Byggingareftirlitið - Skipulagsstofnun

Nefnd voru nokkur dæmi um vel þekkta galla
• „Leki með gluggum hefur aukist, þá almennt með öllum þáttum gluggans:
ísetningu gluggans, samskeytum pósta og karma, þéttingum glers.“
• „Það hefur nokkrum sinnum komið fyrir að frosið hafi í lögnum einingahúsa.“
• „Hljóðmengun eykst, ekki er litið nægjanlega vel til hljóðeinangrunar.“
• „Ekki tekið tillit til veðurs á svæðinu svo að flasningar eru ekki rétt
frágengnar.“
• „Lekavandamál er algengt, bæði þak og gluggar.“
• „Það ber nokkuð á hirðuleysi varðandi frágang loftunar á þaki.“
• „Skortir oft á fullnægjandi frágang á samskeytum rakavarnarlags.“
• „Ófullnægjandi hönnun og ófullnægjandi efnisval er oft orsök galla.“
• „Léleg vinnubrögð, sérstaklega á frágangsvinnu. Oft bara hreint fúsk.“
• „Oft eru gallar vegna innfluttra húsa, sem mörg eru ekki í lagi.“
11.02 Hvaða leið mætti fara til að draga úr byggingargöllum?
Spurðir um leiðir til að koma í veg fyrir galla benda menn að sjálfsögðu á að bætt
vinnubrögð séu eðlileg leið að því marki. Einnig að hönnuðir og verktakar þurfi að
vera betur meðvitaðir um veðurfar á því svæði sem þeir eru að vinna á og verði að
taka tillit til þess.
Þar sem byggingarhraða er stundum kennt um aukna galla er lenging hans að
sjálfsögðu leið sé um að ræða skemmdir sem orsakast af of miklum hraða.
Bent var á nokkur atriði
• „Betri vinnubrögð og auðveldara aðgengi að tryggingarfé meistara og
byggingarstjóra.“
• „Vandaðri hönnun og bættur frágangur flatra þaka.“
• „Almennt bætt vinnubrögð og tryggja að verktakar vinni alltaf eftir
hönnunargögnum.“
• „Ítarlegri skilgreining á ábyrgðarþáttum byggingarstjóra. Það er ekki látið reyna
nægilega á ábyrgð þeirra.“
• „Skýrari leiðbeiningar og handbækur til byggingaraðila, hönnuða, verktaka og
úttektaraðila.“
• „Bætt efnisval og að gengið sé eftir kröfunni um vottun. Teknar séu reglulegar
stikkprufur og fylgst betur með þessum markaði.“
• „Minni byggingarhraða og betra innra eftirlit meistara og byggingarstjóra.“
• „Betri vinnubrögð, sérstaklega er oft um það að ræða að iðnmeistarar hafi ekki
nægjanlegt eftirlit með starfsmönnum.“
• „Byggingarfulltrúi fái úrræði til að taka á slæmum vinnubrögðum,“
• „Að efla daglegt eftirlit með framkvæmdinni, af hálfu byggingarstjóra og
iðnmeistara. Auka einnig faglegan metnað þessara manna.“
120