Byggingareftirlitið - Skipulagsstofnun

Myndritið hér að framan sýnir að 29-52% byggingarfulltrúa telja að oft sé um það
að ræða að ekki sé gerð fullnægjandi grein fyrir efniskröfum í hönnunargögnum,
þótt mismunandi algengt sé, þá háð tegund hönnunargagna.
Myndritið sýnir sömuleiðis að á bilinu 45-58% byggingarfulltrúa telja það stundum
koma fyrir að ekki sé gerð fullnægjandi grein fyrir efniskröfum.
Að lokum er um að ræða þá byggingarfulltrúa sem telja sjaldgæft að hönnuðir geri
ekki fullnægjandi grein fyrir efniskröfum. Sá hópur telur um 3-19% allra
byggingarfulltrúa.
Telja verður með tilvísun til svars byggingarfulltrúa að ástandið gæti vissulega
verið betra í þessum málum. Það er í raun vart ásættanlegt, t.d. gagnvart
burðarþols- og lagnauppdráttum, að um 30% byggingarfulltrúa telji að það komi
oft fyrir að hönnuðir geri ófullnægjandi grein fyrir efniskröfum. Ekki batnar
ástandið síðan þegar byggingarlýsingar eru skoðaðar en þar telur helmingur
byggingarfulltrúa oft skorta á að efnislýsingar séu fullnægjandi.
Enginn byggingarfulltrúi svaraði á þann veg að hann teldi að alltaf væri gerð
ófullnægjandi grein fyrir efniskröfum í hönnunargögnum. Þannig að augljóst er að
talsverður hluti hönnuða sinnir þessu máli á fullnægjandi hátt að mati
byggingarfulltrúa.
56