Byggingareftirlitið - Skipulagsstofnun

5.14 Niðurstöður
Nokkuð virðist vanta á að full samræming sé fyrir hendi vegna starfa tengdum
þessum ferli umsóknar og útgáfu á byggingarleyfi. Í það minnsta lýsa
byggingarfulltrúar oft á tíðum nokkuð misvísandi skoðun gagnvart spurningum í
þessum kafla. Einnig virðist í einhverjum tilvikum þurfa meiri festu í þessi
samskipti og að gerð sé skýrari grein fyrir ábyrgð gagnvart því að umsóknargögn
uppfylli ávallt tilskildar kröfur. Jafnframt má ætlað að einfaldari og skilvirkari
úrræða sé þörf þegar hönnuðir skila ítrekað ófullkomnum gögnum vegna umsóknar
um byggingarleyfi.
Af svörum byggingarfulltrúa má ætla að alla þátttakendur, byggingarfulltrúa,
byggingarstjóra, hönnuði og byggjendur, virðist vanta fræðslu varðandi þessa þætti.
Í kaflanum koma fram af þeirra hálfu atriði sem talin eru mikilvæg í þessu
sambandi:
Leiðbeiningar
Það er heppilegt að fyrir hendi séu leiðbeiningar til dæmis í formi handbókar fyrir
byggingarfulltrúa. Námskeið eru einnig talin heppileg. Vegna byggingarleyfis
þarf ýmis eyðublöð, bæði vegna umsóknar og útgáfu þess. Æskilegt væri að þessi
eyðublöð væru samræmd og aðgengileg rafrænt á einum stað.
Huga þarf að því að minni embætti gætu þurft aðgang að sérstakri ráðgjöf þegar um
umfangsmiklar framkvæmdir er að ræða.
Einföldun reglna
Heimild til þess að skilgreina verk eftir mikilvægi þarf að vera fyrir hendi þannig
að verk sem teljast mjög minni háttar geti fengið einfaldari afgreiðslu af hálfu
byggingarfulltrúa.
Skýrari ábyrgð
Skýrari reglur vantar um ábyrgð hönnuða á því að hönnunargögn sem þeir skila til
byggingarfulltrúa séu fullnægjandi. Þá með það að markmiði að komið yrði í veg
fyrir óþarfa margfalda yfirferð byggingarfulltrúa yfir gögn einstakra hönnuða.
Einnig þarf að skilgreina lámarkskröfur hönnunargagna og einfaldari úrræði við
brotum þegar afhent gögn uppfylla ekki lágmarkskröfu.
Upplýsingagjöf
Upplýsa þarf almenning betur um leyfisskyldu varðandi byggingar-framkvæmdir.
Skýra þarf ítarlega hvað útgáfa byggingarleyfis felur í sér og hvað þarf að lágmarki
til að gefa megi það út.
Koma þarf á formlegri kynningu á útgáfu byggingarleyfis og þýðingu þess
gagnvart öðrum yfirvöldum, t.d. gagnvart lögreglu. Þá hugsanlega til auðvelda það
að stöðva framkvæmdir sem hafnar eru án tilskilinna leyfa.
43