Byggingareftirlitið - Skipulagsstofnun

kröfur um úttektir til að tryggja að úttekt fari ávallt fram á öllum þáttum sem varða
aðgengi, öryggismál, orkusparnað og hollustu eða heilsu fólks. Því þarf
hugsanlega að fjölga úttektum milli fokheldisstigs og lokaúttektar, sérstaklega þó á
frágangi vegna brunavarna. Hugsanlega einnig vegna frágangs er varðar
orkusparnað, hljóðvist og hollustu.
Nauðsynlegt er að taka alvarlega á vottunarmálum sé fyrirhugað að ganga eftir því
að krafa laga og reglugerða um vottanir byggingarvöru sé virt. Gagnvart þeim
málum þurfa allir þátttakendur framar öðru aukna fræðslu og samræma þarf
afstöðu byggingareftirlitsins. Þar er mikilvægt, sem fyrsta skref, að tryggja að
efniskröfum sé ávallt rétt lýst á uppdráttum.
Hluti af starfsemi embætta byggingarfulltrúa er þess eðlis að hún verður að teljast
skoðunarstarfsemi. Fyrir hendi er íslenskur staðall sem setur fram reglur vegna
slíkrar starfsemi. Eðlilegt er að stefnt sé að því að skoðunarþátturinn í starfsemi
byggingareftirlitsins uppfylli þann staðal.
Fleiri þættir koma vissulega til greina. Í öllum köflum skýrslunnar koma fram
athugasemdir byggingarfulltrúa vegna vandamála eða pirrings. Af þeirra hálfu
fylgir slíku að jafnaði ábending um lausn, gjarnan lausn sem er til þess er fallin að
auka skýrleika og festu í starfsemi embættanna. Eins og búast má við eru menn þó
ekki alltaf sammála, hvorki um lausnir né hvað telst vera vandamál. Vegna
málefna er varða stefnumótunarvinnu er því, auk ábendinga sem fram koma hér að
ofan, bent á skýrsluna sem slíka.
10