Byggingareftirlitið - Skipulagsstofnun

• „Almennt vantar handbækur og leiðbeiningar fyrir byggingarfulltrúa. Útgáfa
gæðahandbókar og verklagsreglna fyrir byggingarfulltrúa kæmu að mjög miklu
gagni.“
• „Byggingarfulltrúar missa bakland ef byggingarnefndir eru lagðar niður
sérstaklega á það við um smærri embættin, með aðeins einum starfsmanni.“
• „Byggingarfulltrúar þurfa auðveldari aðgang að stjórnvöldum varðandi túlkun
laga, reglugerða og staðla“.
• „Sum embætti eru hugsanlega orðin of stór, þ.e. orðin of víðfeðm fyrir einn
mann til að sinna.“
Auk tilvitnana hér að framan kom fram að talið var að fjölga þyrfti starfsmönnum
einhverra embætta. Einnig að aðgengi að starfsmönnum væri oft fullmikið, það
væri sjaldan hlé. Ábendingar komu fram um þörf fyrir betra skráningarkerfi.
Einhver hluti vill þar sjá samræmt kerfi fyrir öll embættin.
4.05 Samskipti
Fyrirspurnin um samskipti í þessu tilviki á aðeins við um samskipti við skipulags-
og byggingarnefndir svo og við sveitarstjórnir. – Það er nánast samhljóða mat allra
byggingarfulltrúa að samskipti við byggingarnefnd og/eða skipulagsnefnd séu góð.
Þau gangi yfirleitt vel og menn séu samstiga.
Sumir hverjir viðurkenna þó að fyrir komi að sveitarstjórnir vilji ganga fulllangt í
sinni afgreiðslu. Það var orðað eitthvað í þessa veru:
• „Samskipti mjög góð en pólitískar nefndir hafa ekki alltaf skilning á því að
byggingarfulltrúa beri að fara eftir lögum og reglugerðum.“
• „Samskiptin eru mjög góð en stundum eru gerðar athugasemdir frá pólitísku
sjónarmiði. Þannig að stundum er um að ræða mismunandi túlkun pólitíkur og
tæknimennsku.“
Spurðir um utanaðkomandi þrýsting svara nánast allir neitandi að um alvarleg atvik
í þá veru sé að ræða. Hafi þrýstingur komið fram leysist þau mál alltaf með því að
byggingarfulltrúi skýri sjónarmið sitt, geri grein fyrir málinu með tilvísun til þeirra
laga og reglugerða sem honum ber að starfa eftir.
Eitthvað virðist samt vera um að reynt sé að ýta á að afgreiðslu umsókna um
byggingarleyfi eða útgáfu þess sé flýtt. Dæmi eru einnig um að einstaka hönnuðir
hafi reynt að fá athugasemdum byggingarfulltrúa hnekkt og leitað í þeim tilgangi til
sveitarstjórnarmanna. Meðal annars var sendur tölvupóstur og kvartað vegna
athugasemda sem byggingarfulltrúi hafði gert við hönnunargögn sem hönnuðurinn
hafði lagt inn til samþykktar. Byggingarfulltrúi taldi gögnin ófullnægjandi. Einnig
komu fram dæmi um að reynt hefði verið að hafa áhrif á byggingarfulltrúa þegar
hann krafðist vottunar eininga-/stálgrindarhúsa í samræmi við ákvæði 120. greinar
byggingarreglugerðar. Reynt var þar að fá byggingarfulltrúa til að falla frá þessari
kröfu.
20