Byggingareftirlitið - Skipulagsstofnun

6.16 Ákvörðun um skil uppdrátta
Byggingarfulltrúa er heimilt að ákveða hvaða hönnunargögnum skal skila
vegna einstakra byggingarframkvæmda. Að sjálfsögðu ber honum að starfa
í samræmi við byggingarreglugerð við það verk.
Kannað var hvort fyrir hendi er einhver venja eða hvort byggingarfulltrúi
gerir einhverja áætlun um teikningaskil vegna verka. Leitað var álits
byggingarfulltrúa á þessu atriði og lögð fyrir þá eftirfarandi spurning:
Er fyrir hendi vinnuregla eða venja af hálfu embættis þíns, vegna
ákvörðunar á því hvaða uppdrátta er krafist vegna einstakra
byggingarframkvæmda (m.ö.o. er gerð áætlun fyrir fram um skil teikninga)?
Nokkuð er mismunandi hvort áætlun um skil uppdrátta er gerð eða ekki.
Ekki er fyrir hendi skipting á því hve stór hluti byggingarfulltrúa vinnur
slíka áætlun eða hve stór hluti gerir það ekki.
Nokkur lýsandi dæmi um svör:
Jákvæð
• „Já, slík áætlun er gerð. Að lágmarki er síðan krafist allra teikninga upp
að fokheldu strax eftir að byggingarnefndarteikningar hafa verið
samþykktar.“
• „Já, kröfur eru gerðar í samræmi við ákvæði reglugerðar.“
• „Sendi eyðublöð og yfirlit yfir þær teikningar sem að lágmarki ber að
skila.“
• „Já, og við fokheldi er kannað hvaða teikningar hafa borist og
sérstaklega farið yfir hvaða teikningar vantar. Fokheldi er síðan ekki
veitt fyrr en öllum teikningum er skilað.“
Neikvæð
• „Nei, það er engin vinnuregla. Hvert verk er tekið fyrir og metið hvaða
uppdrætti þurfa að koma inn.“
• „Nei, ekki umfram ákvæði byggingarreglugerðar.“
• „Nei, það er ekki gerð áætlun. En ef fyrir kemur að mati byggingarfulltrúans
að það vanti uppdrætti er kallað sérstaklega eftir þeim.“
Bæði og
• „Við sérstök verk er gerður samningur um skil gagna. Ákvörðun er
alltaf tekin með tilliti til umfangs verksins og hvort það hafi einhverja
sérstöðu.“
60
„ Byggingarfulltrúi
ákveður í samræmi
við reglugerð
þessa hvaða
hönnunargögn
skulu lögð fram
vegna
byggingarleyfis.“
(Bygg.reglug. gr. 9.4)