Byggingareftirlitið - Skipulagsstofnun

7.04 Breyting á hlutverki/störfum byggingarstjóra/ iðnmeistara
Kannað var hvort byggingarfulltrúar væru almennt ánægðir með það kerfi
iðnmeistara og byggingarstjóra sem er við lýði í dag. Lögð var fyrir þá eftirfarandi
spurning í því sambandi:
Telur þú að eitthvað varðandi starfsemi eða hlutverk byggingarstjóra og
iðnmeistara þurfi að breytast frá því sem er í dag? Ef svo er þá hvað helst?
Ekki kom fram neinn afgerandi áhugi á því að breyta kerfinu sem slíku en
ábendingar komu fram um einstaka þætti þess komu fram. Þær eru í meginatriðum
þessar:
Ábyrgð á vali iðnmeistara
• „Byggingarstjóri og húseigandi eiga sjálfir að bera alla ábyrgð á því að
iðnmeistarar séu til staðar svo og á öllum ábyrgðartryggingarmálum. Það á ekki
að vera hlutverki byggingarfulltrúa að ganga úr skugga um að þessir aðilar séu
tryggðir.“
• „Það er ekki eðlilegt að byggingarfulltrúi geri kröfur um að iðnmeistarar skrifi
sig á verk en hafi síðan enga vitneskju um það hvort meistararnir sjái um verkið
því að öll samskipti vegna verksins eru við byggingarstjórann.“
• „Kerfið í góðu lagi. En það mætti sleppa því að vera með iðnmeistara eða þá að
láta ábyrgðina á því að þeir séu til staðar vera alfarið byggingarstjórans.“
Auka ábyrgð iðnmeistara
• „Byggingarstjórinn er látinn bera of mikla ábyrgð núna. Það þyrfti að auka
ábyrgð meistaranna, t.d. með því að iðnmeistari þurfi að staðfesta skriflega að
hann hafi yfirfarið verk áður en hann fól byggingarstjóra að kalla til úttektar á
því. Byggingarstjóri ætti síðan að afhenda byggingarfulltrúa þessa yfirlýsingu
meistarans við úttekt.“
Takmörkun umsvifa byggingarstjóra
• „Byggingarstjóra á ekki að vera heimilt að taka að sér verk í öðrum landshlutum
en þeim þar sem hann starfar. Annars getur hann ekki fylgst með byggingunni.
Þeir eiga ekki heldur að fá heimild til að veita öðrum umboð til að vera við
úttekt fyrir sína hönd. Ekki nema í sérstökum undantekningartilvikum.“
• „Mætti setja reglur um málafjölda sem byggingarstjórum er heimilt að sjá um.“
Einföldum vegna smáverka
• „Það mætti breyta kerfinu þannig að ekki séu gerðar kröfur um alla meistara á
smáverk. Byggingarstjóri gæti þar borið heildarábyrgð.“
• „Það ætti aðeins að skilgreina kröfur um byggingarstjóra á stærri verk. Á
smærri verkum á ekki að þurfa byggingarstjóra. Þar á iðnmeistarinn að bera
sjálfur sína ábyrgð.“
• „Byggingarstjórum verði ekki gert skylt að vera viðstaddir allar úttektir. Í
dreifðum embættum á að leyfa iðnmeisturum að vera einum viðstaddir úttektir.“
Ekki breyta neinu
• „Það á ekki að breyta þessu kerfi. Það er heppilegt að það sé óbreytt. Einnig
það að byggingarstjóri geti jafnframt verið iðnmeistari.“
83