Byggingareftirlitið - Skipulagsstofnun

Vegna byggingarstjóra komu fram nokkuð alvarlegar athugasemdir. Hluti
byggingarfulltrúa telur of algengt að meðal byggingarstjóra séu einstaklingar sem
ekki er ljós skylda sín og ábyrgð. Bent var á að hluti þeirra sinnti ekki því eftirliti
sem honum bæri að sinna. Orðið fjarvinnsla var t.d. notað af embættum á
landsbyggðinni um störf einhverra byggingarstjóra. Það er þegar byggingarstjóri
tekur að sér verk og kemur síðan aldrei á byggingarstað til að fylgjast með því.
Eitthvað virðist um slíka fjarvinnslu byggingarstjóra. Ýmis fleiri dæmi eru nefnd,
s.s. að fullnægjandi uppdrættir séu ekki fyrir hendi á byggingarstað, vikið sé frá
uppdráttum án heimildar, ekki sé nægjanlega fylgst með efnisgæðum o.fl.
Spurðir beint um vandamál í samskiptum við byggingarstjóra telja 60%
byggingarfulltrúa að vandamál hafi komið upp vegna byggingarstjóra. Um 30%
vilja fara vægar í sakirnar og segja slík vandamál yfirleitt óveruleg ef upp komi.
Um 10% svöruðu ekki spurningunni. Svarhlutfall var svipað þegar spurning sem
tiltók vandamál í sambandi við úttektir sérstaklega var lögð fram.
Aukin fræðsla fyrir byggingarstjóra, um störf þeirra og ábyrgð, er talin mikilvæg.
Æskilegt er einnig að beitt sé meiri formlegheitum eða festu við ýmis samskipti
byggingarfulltrúa og byggingarstjóra eða iðnmeistara. Samræmdar verklagsreglur
og/eða leiðbeiningar um slík samskipti eru taldar til bóta. Hluti byggingarfulltrúa
vill einnig sjá heimild til einfaldari afgreiðslna vegna smáverka, t.d. þannig að
byggingarstjóri einn sé skráður á verk eða þá að heimilt sé að meistari sjái um verk
án byggingarstjóra.
Byggingarfulltrúar eru ekki sammála um það hvort auka þurfi úrræði byggingarreglugerðar
vegna brota byggingarstjóra. Þeir eru þó sammála um að þeim
úrræðum sem eru fyrir hendi sé lítið beitt þrátt fyrir að stundum sé ástæða til.
Talsverðum hluta finnst því jákvætt ef hægt væri að koma á svipuðu kerfi vegna
brota eins og beitt er við umferðarlagabrot, þ.e. punktakerfi.
Nánar er vísað í kafla 7.0 Byggingarstjórar og iðnmeistarar
3.05 Úttektir
Almennt virðist sem 70-80% byggingarfulltrúa geri alltaf kröfu um að verkþættir
sem tengjast burðarþoli séu teknir út. Hvað varðar verkþætti tengda eldvörnum
virðist tíðni úttekta vera ívið meiri eða um 82%.
Klæðningar eru síst teknar út. Þar sem einungis 21% byggingarfulltrúa segist alltaf
taka út klæðningar veggja og þaka. Samkvæmt þessu má því ætla að talsverður
meirihluti starfi á svipaðan hátt, a.m.k. hvað varðar burðarþol og eldvarnir. Það
sama á að sjálfsögðu við um þau 79% sem að jafnaði taka ekki út klæðningar.
Nokkur meirihluti hefur veitt byggingarstjórum heimild til eiginúttekta. Traust
virðist ríkja af hálfu byggingarfulltrúa gagnvart þessum aðilum, því að um 55%
þeirra segjast ekki krefjast skriflegrar staðfestingar um framgang slíkra úttekta.
Nokkuð er um að byggingarstjórar kalli ekki til úttekta. Aðspurðir eru
byggingarfulltrúar þó ekki sammála um hvort þetta sé alvarlegt vandamál, þar sem
um 9% stéttarinnar verða sjaldan eða aldrei vör við að byggingarstjórar kalli ekki
14