Byggingareftirlitið - Skipulagsstofnun

6.24 Leiðbeiningar/ aðstoð við byggingarfulltrúa
Kannað var álit byggingarfulltrúa á því hvort þörf væri sérstakra leiðbeininga eða
aðstoðar þeim til handa vegna hönnunargagna. Spurningin var svohljóðandi:
Er þörf aðstoðar eða leiðbeininga fyrir byggingarfulltrúa vegna þessara mála?
• Um 53% byggingarfulltrúa telja það
heppilegt.
• Um 32% telja að ekki sé þörf á
slíkum leiðbeiningum.
• Um 15% svara ekki eða taka ekki
afstöðu.
Svör eru birt hér fyrir neðan flokkuð
eftir megináherslum. Eins og ávallt eru
sýnd dæmigerð svör eða lýsandi
útdráttur:
Leiðbeiningar
• „Brýnt að stjórnvöld geri almennar leiðbeiningar fyrir landið í heild varðandi
hönnunargögn og meðferð þeirra.“
• „Já, slíkar leiðbeiningar yrðu til að auka samræmi milli embætta.“
Reglur skýrðar
• „Það er mjög mikilvægt að fyrir hendi séu skýr ákvæði um það hvernig
byggingarfulltrúi eigi að standa að verki vilji hann láta kanna einhverja þætti
hönnunargagna sem honum finnst ástæða til að séu kannaðir. Það vantar skýrar
leiðbeiningar um það hvernig eigi að taka á slíkum málum og hvaða úrræðum sé
heimilt að beita. Eins og t.d. að leita til sérfræðinga um álit á einstökum
málum.“
• „Skilgreina þyrfti betur hvað felst í eftirliti byggingarfulltrúa með hönnuðum og
hönnunargögnum.“
Aukið samræmi
• „Já, það ættu að vera til samræmdar leiðbeiningar um það hvernig ber að haga
yfirferð og meðhöndlun hönnunargagna.“
• „Já, varðandi túlkun á því hvað er fólgið í yfirferð byggingarfulltrúa og hvernig
brugðist er við villum.“
• „Embættin verða að starfa eins og gera sömu kröfur til teikninga. Samræma
þarf þessa starfsemi betur milli embætta.“
Neikvæð svör
• „Nei, engin sérstök þörf.“
• „Félag byggingarfulltrúa starfar að þessum málum, svo það er í nokkuð góðu
lagi.“
• „Nei, það þarf ekkert umfram það sem komið er nú þegar.“
• „Nei.“
71
Er þörf aðstoðar eða leiðbeininga
fyrir bygg.fulltr. vegna hönnunargagna?
53%
32%
15%
Væri heppilegt Nei, ekki þörf Svara ekki