Byggingareftirlitið - Skipulagsstofnun

Leiðrétta þarf leiðrétt gögn
• „Það kemur stundum fyrir að gerðar eru athugasemdir við hönnunargögn.
Hönnuðir senda síðan inn leiðrétt gögn. En stundum hafa gögn þeirra tekið svo
miklum breytingum hjá þeim að nýjar athugasemdir eru gerðar.“
Prófarkalestur byggingarfulltrúa
• „Það er of mikið um að hönnuðir vilji nota byggingarfulltrúa sem
prófarkalesara.“
Listi yfir útreikninga
• „Burðarvirkjahönnuðir virðast vera óvanir að leggja fram lista yfir útreikninga
eða útreikningana sjálfa og eru tregir til að afhenda þá með fullnægjandi hætti.
Kvarta sáran yfir þessum kröfum. Þeir virðast heldur ekki vera vanir að vinna
eða setja útreikningana skipulega fram.“
Túlkun reglugerðar
• „Helst vandamál sem snúa að túlkun byggingarreglugerðar. Einstaka hönnuðir
telja stundum að byggingarfulltrúi hafi ekki umboð til að skipta sér af
ákveðnum þáttum hönnunargagna eða gera ákveðnar kröfur. Þetta getur
stundum kostað ákveðið þras.“
Erfitt að fá fullnægjandi gögn
• „Það getur stöku sinnum verið erfitt að fá fullnægjandi gögn. Einnig er um það
að ræða að gögnin berist mjög seint.“
• „Það kemur fyrir að margoft þurfi að senda hönnuðum tölvupóst og óska eftir
viðbót við hönnunargögnin. Oft vantar til dæmis skráningartöflur. Það er
stundum eins og þeir séu að flýja embættið.“
Lítið vandamál
• „Nei, ekki vandamál, fremur samskiptaleysi. Hönnuðir hafa ekki mikil
samskipti, láta milliliði um þau.“
• „Sjaldan, ef upp kemur vandamál er það oftast vegna þess að það er ekki hægt
að ná í hönnuði.“
• „Nei, samskipti við hönnuði eru yfirleitt góð.“
• „Aldrei vandamál.“
69