Upendo ni Utimilifu wa Sheria Insha juu ya Maadili - Martin Bucer ...

Haki za Binadamu na Imani ya Kikristo 101
Lakini swali ni kuwa, ni nani anayetoa maana ya kipi kizuri au kibaya? Je, Paulo
aliliacha hili mikononi mwa Serikali? Je, Serikali yaweza kutangaza kitu
chochote kizuri na kulazimisha kwa raia wake? Hapana. Wakati alipoongea juu
ya uzuri, anaufasili kwa mujibu wa mapenzi ya Mungu, na kuufasili ubaya kama
kitu kile ambacho kilihukumiwa na sheria ya Mungu. “haki huinua taifa, bali
dhambi ni aibu ya watu wowote” (Mith. 14:34).
Hivyo Biblia hutupa mipaka na maelekezo yaliyo wazi kwa kodi, huduma za
kiulinzi na kwa polisi. Kwa mfano, Yohana Mbatizaji aliwaambia watoza ushuru
na mapolisi (mtu yule yule alitumika kama polisi na mlinzi), “Msitoze kitu zaidi
kuliko mlivyoamriwa” na “Msidhulumu mtu, wala msimshitaki kwa uongo; tena
mtoshewe na mshahara wenu” (Lk. 3:12-14). Kutoka katika matamko haya ya
Paulo twaweza kuchota mawazo mawili muhimu:
1. Serikali yaweza tu kuhukumu kile watu wafanyacho, sio kile wanachofikiri.
Inahusika kwa matendo mema au mabaya, kwa kufanya. Si kazi ya serikali
kudhibiti dhambi zote, bali zile tu ambazo kazi zake zaweza kuchunguzika na
zinaweza kuharibu utaratibu wa umma, ambao Serikali ina wajibu wa
kuuendeleza na kuulinda.
2. Serikali haiwezi kutofautisha kati ya Wakristo na watu wengine, yaani
waamini wa imani tofauti, iwapo wanaelekeza imani zao katika hali ya amani.
Kwa kuwa Mungu huzuia upendeleo katika mambo ya kisheria, Wakristo ni
lazima waadhibiwe kwa ukali uleule sawa na wasio waumini pindi wavunjapo
sheria. Serikali haiwezi kutofautisha kati ya Wakristo na washirika wa vikundi
vingine vya kidini, kwa kuwa yaweza kuhukumu tu kwa msingi wa matendo.
Haki za binadamu ni za kiulinzi, zinadumu si zaidi sana katika kufasili upendeleo
mbalimbali kwa mtu, bali kuipa mipaka nguvu ya Serikali na ya taasisi nyingine
ambazo hujishughulisha na maisha ya watu. Kwa sababu hii, Paulo anaweka
mipaka ya majukumu ya Serikali kwa nyanja maalumu za maisha, badala ya
kuipa haki ya kuratibu na kuadhibu mawazo na maisha ya watu wote.
Serikali haipaswi kujipambanua na jamii, kama serikali za kishoshalisti
ambavyo zimefanya tangu Mapinduzi ya Ufaransa. Katika serikali hizo, nyanja
zote ukijumuisha familia na Kanisa ziko chini ya Serikali. Jamii ni zaidi ya
Serikali. Serikali hazina mamlaka juu ya nyanja zote za kijamii.
Juu ya Utenganishi wa Kanisa na Serikali
Kama ambavyo Serikali haiwezi kulitawala Kanisa au dini, serikali yenyewe pia
haiwezi kuwa chini ya kanisa au dini. Utenganishi kati ya Kanisa na Serikali
haupingani na imani ya Kikristo, bali kwa asili yake huibuka kutoka katika imani
hiyo, kwa kuwa Biblia inaifanya serikali kuwa na jukumu la kusaidia watu kuishi
kwa amani, bila kujali chochote waaminicho. Ni wajibu wa kanisa na wa dini