Upendo ni Utimilifu wa Sheria Insha juu ya Maadili - Martin Bucer ...

Rushwa na Ufisadi 113
RUSHWA NA UFISADI (1998) 154
Safari yetu ya kurudi kutoka Jakarta, mji mkuu wa Indonesia ilikuwa
imeandaliwa vema na tiketi zilikuwa tayari, safari ilikuwa imelipiwa na
kuthibitishwa, lakini tulipokwenda kuhakikisha tuliambiwa kuwa viti vyote
vilikuwa vimekwishachukuliwa. Malalamiko yetu hayakusaidia kitu, hivyo
tulikaa wiki nzima isiyo njema ya majira ya mvua hapo Indonesia. Kwa
matarajio, tuliweza kuishi na marafiki Wakristo. Kila siku, uzoefu ule ule viti
vilikuwa vimejaa. Hatimaye, shemeji yangu wa kiume, aishiye humo Indonesia
alitueleza tatizo: Wakati mwendapo kuhakikisha, sehemu ya mapokezi ina ngazi
mbili. Unaweka tiketi yako katika ngazi ya juu na zawadi yako ngazi ya chini.
Tulipofanya hivyo tulipata viti vyetu haraka. Maafisa waliopo katika dawati lile
hupata mshahara mdogo, hivyo serikali inadhani kuwa wataufanya mshahara
kuwa bora kwa rushwa – dhamana kwa mzunguko usiokwisha.
Hiyo ni miaka kumi na mitano iliyopita, na tulikuwa na furaha kurudi Ujerumani
penye kutumainika. Lakini makala – pendwa na kesi za kisheria zinadhihirisha
kwamba rushwa na ufisadi unakua hapa Ujerumani katika mambo madogo sawa
na mfano tulioutoa na katika masuala makubwa. Ukansela wa Rainer Barzel
ulishindwa kwa kura mbili, kwa sababu wale wapiga kura walinunuliwa na
Ujerumani Mashariki – Anguko la ukuta wa Berlin lilileta suala hili katika nuru.
Vitu tulivyozoea kusikia tu kutoka katika Ulimwengu wa Tatu au kutoka Italia
vinakuwa masuala ya kawaida na ya kila siku. Nidhamu ya kinjozi ya Prussia,
isiyoruhusu kisheria ufisadi inapotea katika jukwaa. Ingawa mahakama
zaonekana kuongeza ukali katika kesi za rushwa, upakaji mafuta unaongezeka
miongoni mwa polisi, maafisa wa ushuru, watumishi wa umma na taasisi za
usimamizi. Ni wachache tu watambuao kwamba haya ni matokeo ya kimantiki
yenye ya kujitenga kwetu mbali na Ukristo. “Mtu mwovu hupokea rushwa
nyuma mgongoni kupotosha njia za haki” (Mith. 17:23). Yeyote amkataaye
Mungu wa Ukristo, anakataa jukumu lake la hakimu mkuu, ambaye haki yake
kamilifu na ukosefu wa ufisadi ni njia panda ya ukanaji wa kila upotoshaji wa
haki kwa sababu ya tamaa ya fedha au kwa ajili ya mamlaka, kwa kuwa Mungu
wa Agano la Kale mara kwa mara anaelezwa kuwa asiye na upendeleo, kama
“Mungu mkuu, mwenye uweza, na wa kuogofya, ambaye hajali nafsi za
watu, wala kuchukua zawadi” (Kumb. 10:17) “Kwa kuwa hakuna uovu kwa
BWANA Mungu wetu, wala kuheshimu nafsi za watu, wala kupokea
zawadi” (2 Nyakati 19:7).
Katika Agano Jipya, majaribu ya Yesu ni mfano sahihi. Mwanzoni mwa huduma
yake, alipaswa kuthibitisha uaminifu wake. Si mkate wala mamlaka yangeweza
154 Ilirudiwa kuchapwa tena kutoka katika “Bribery and Corruption”. Christianity and Society 8 (1998) 1:5