Upendo ni Utimilifu wa Sheria Insha juu ya Maadili - Martin Bucer ...

104 Schirrmacher, Insha juu ya Maadili
Kwa sababu hii, ni lazima kusiwepo na vipimo viwili linganifu, kama vile
vifungu vya sheria vinavyohusu matajiri na vingine vinavyohusu wakulima.
Agano la Kale lilihitaji mfumo sawa wa adhabu kwa ajili ya wazawa na kwa
wakazi wageni (Kut. 12:49), “Msitende yasiyo haki katika hukumu,
usimpendelee mtu maskini, wala kumstahi mwenye nguvu; bali utamhukumu
jirani yake kwa haki” (Law. 19:15). Kwa sababu Mungu hulinda “madai ya
maskini” (Mith. 29:7) na “maskini na wahitaji” (Mith. 31:9), Mithali 31:8-9
inatuamuru sisi “Fumbua kinywa chako, kwa ajili ya bubu; kwa maana ya
hao wote waliowekewa anguko. Fumbua kinywa chako, hukumu kwa haki,
na tetea madai ya maskini na wenye mahitaji”.
Hivyo Biblia hupima haki ya nchi kwa jinsi iwalindavyo walio dhaifu. Sio tu hali
ya utajiri au daraja la viongozi iliyo muhimu, bali pia hali ya Kanisa la Kiserikali
ni muhimu, tena hali ya vikundi vidogo vya Kikristo nayo pia ni muhimu. Sio tu
hali ya mahakimu wenye fedha na mamlaka kulinda haki zao iliyo muhimu, bali
pia hali za maskini, wajane na mayatima wawapo mahakamani.
Mungu ni Mwumba na Bwana wa wanadamu wote. Anatutarajia tutendeane sisi
kwa sisi kama mfano wake na viumbe wake – binadamu wa kujishughulisha na
binadamu, si wanyama kwa wanyama.