Upendo ni Utimilifu wa Sheria Insha juu ya Maadili - Martin Bucer ...

40 Schirrmacher, Insha juu ya Maadili
12. Sheria haiwezi kuumba uzima wa milele au wokovu na hivyo waamini
hawana uzima wa milele huko kwenye Sheria. Tena hii ni kweli zaidi kwa wale
walio wafu kiroho (Gal. 3:21). Sheria haiwezi kuhuisha. Mahali dhambi
itawalapo, Sheria yaweza kuleta mauti tu, lakini sio kuhuisha mfu kuwa hai.
Jambo hili limewekwa wazi kwenye Agano la Kale (Mfano, Hab. 1:4).
Utangulizi wa Amri Kumi unathibitisha kwamba neema na Agano la Mungu
huja kwanza na ndipo Sheria hufuata. Mtu aweza tu kuishi kwa mujibu wa Sheria
chini ya neema ya Mungu na baada ya kupokea msamaha kupitia dhabihu ya
upatanisho ya Yesu Kristo, Mwana wa Mungu.
13. Injili na Sheria husimama kinyume tu cha kila moja – hususani katika
nyaraka za Paulo – iwapo ‘sheria’ inaeleweka kama wokovu kwa Sheria, lakini si
iwapo Sheria inaeleweka kama Sheria ya Mungu iliyoandikwa katika Agano la
Kale. Katika 1 Tim. 1:9-11 na Rum. 2:12-15, Paulo analiona tangazo la maelezo
ya Sheria na Hukumu ya Mungu juu ya dhambi maalum kama sehemu ya ‘injili’
yake.
14. Sheria haiwasaidii kuwa bora wale waliopata kuifahamu, bali inawaendesha
zaidi katika dhambi. Pasipo Roho wa Mungu, hata Mkristo aweza kutaka sana
kufanya mema, na asiweze (Rum. 7). Ikiwa Mungu hawezi kusaidia kwa njia ya
Roho wake (Rum. 8:3-4) na kutimiza sheria yake ndani yetu, basi sisi kama
Wakristo twaweza pia kutenda vibaya kabisa. Kuondolewa kwa Sheria
kusingeweza kuondoa kizungumkuti* cha Rum. 7. Basi Mungu angekuwa
amebadili mwenyewe Sheria zake takatifu na kukiri kuwa hata yeye asingeweza
kumbadili mwanadamu. Lakini sasa Mungu anatimiza sheria yake mwenyewe
ndani yetu kupitia kwa Roho Mtakatifu. Hivyo, matakwa yote mawili
yanatunzwa: Amri takatifu za Mungu zisizobadilika bado ni halali pamoja na
ukweli kwamba ni Mungu pekee awezaye kuzitunza! Rum. 8:3-4. Kwa hiyo, ni
utimilizaji wa ahadi ya Agano la Kale katika Agano Jipya, ambalo kwalo Roho
wa Mungu huweka Sheria ya Mungu ndani ya mioyo ya watu wake (Eze. 18:31;
36:25-27; Yer. 31:3; Ebr. 8:10; 10:16).
15. Sheria hurekebisha agano baina ya Mungu na Mwanadamu. Sheria
inajumuishwa katika agano baina ya Mungu na mwanadamu. Katika vifungu
vingi, neno, “agano” linatumika badala ya “sheria” na vivyo hivyo neno “sheria”
hutumika badala ya “agano” (mfano, Hos. 8:1; 2 Nya. 34:14; Zab. 78:10; Kumb.
28:69, 58).
16. Maagano yote katika historia ya wokovu (mfano, Nuhu, Ibrahimu, Musa,
Daudi, Yesu) ni ya milele kwa sababu kiapo na ahadi ya Mungu havibadiliki.
Ahadi za Mungu hubaki katika utendaji, na kutoka wakati mmoja hata
mwingine, ahadi mpya huongezewa kwa zile zilizotangulia. Kwa hiyo, Agano
Jipya linachukulia kwamba Wakristo wote wa leo, kwa wakati ule ule,
wanajumuishwa katika agano la Mungu na Musa, Ibrahimu, Musa, Daudi na