Upendo ni Utimilifu wa Sheria Insha juu ya Maadili - Martin Bucer ...

Hoja Ishirini Dhidi ya Ponografia 117
11. Pamoja na uwepo wake wote wa upotoshi, ponografia hujilazimisha
yenyewe hata juu yao wanaoikana. Inawapora watu uhuru wa kuchagua kwa ajili
yao au dhidi ya amali na mitazamo inayopandikiza.
12. Ponografia hutazama kwa dharau tamaduni nyingine na mitindo ya maisha
na hufanya utamaduni wa ki-pono kuwa kipimo timilifu. Hakuna awezaye
kukwepa. Watu kutoka pande zote za dunia, hata wale walio katika utamaduni
usio wa kimagharibi, wanalazimishwa kuingia katika utamaduni wa ki-pono.
13. Ponografia ni soko kamili la kitu kikuu kilicho binafsi na cha siri hapa
duniani. Hufanya mapenzi kuwa bidhaa isiyo thamani. Wale wajipatiao
mamilioni kwa ponografia 155 wataenda umbali wowote ili kuchuma zaidi. Kwa
wao, mahusiano yoyote yaliyoharibiwa ni biashara. “Ponografia imekuwa
biashara ya mabilioni ya dola ulimwenguni, ambayo inaendeshwa kwa kiwango
kikubwa na uhalifu uliopangwa”. 156
14. Ponografia huondoa utu wa kimapenzi. Msaidizi wangu si mpendwa wangu
tena, bali ni bidhaa ya umma isiyo na jina, iliyokufa na ya kibiashara.
15. Ponografia, hivyo hutawala mawazo ya watu, kwamba wanafanya maamuzi
chini ya ushawishi ambao baadaye huujutia. Mchakato huu huanza na
matangazo ya kila siku, ambao wawezekana usiwe na mafanikio pasipo
ushawishi wa ponografia, na huishia kwa uharibifu wa mahusiano mema.
16. Ponografia huufanya mwili wa binadamu kuwa kipimo kikuu na huharibu
thamani ya ndani ya uhusiano. Thamani ya binadamu inapimwa kwa
mwonekano wake.
17. Ponografia humtathmini binadamu kwa mujibu wa kitu kilicho juu ya uwezo
wake. Hakuna mtu awezaye kuchagua mwonekano au umri wake.
18. Ponografia huunda ulimwengu wa kinjozi, ambao humfanya mtu asiweze
kushughulika na ukweli usiopendeza. Badala ya mtu kuwekeza kwa mtu
mwingine na kukubali wajibu kama gharama kwa mahusiano yenye furaha, mtu
anahitaji tu kuepea kwenye Nchi ya Kinjozi. Baadaye, mfadhaiko wa utupu ni
wenye nguvu zaidi.
19. Ponografia ni hatua ya mwanzo ya kuelekea kwenye ulimwengu wa madawa
ya ‘ngono huria’, ambayo hukataa wajibu wote wa mhusika katika matendo
yake mwenyewe.
155 Reiner Gödtel, Sexualität und Gewalt, (Hamburg: Hoffmann and Campe, 1992, uk. 67. Kwa kujibu wa
mwandishi huyu, mauzo ya ponografia katika tawala za kale za Shirikisho la Jamhuri ya Ujerumani ilifkia
wastani wa dola bilioni 1.5. ($ 1.5 bilioni). Mbali na hilo, watu 20,000 walijichumia vitu vya kuendesha
maisha yao kwa kutengeneza na kuza mambo yahusuyo ponografia
156 Frank Kaleb Janseb, Ed., Target Earth, (Pasadena: University of the Nations, Hawaii and Global Mapping
International, 1989), uk. 68.