Upendo ni Utimilifu wa Sheria Insha juu ya Maadili - Martin Bucer ...

Din ni Nini? 65
taarifa huanza na Msemaji, mtu. Nafsi iliyo nyuma ya kiwango kikubwa cha
taarifa katika ulimwengu huu haiwezi kuwa chini ya Wakati, bali ni lazima iwe
juu yake, ni lazima iwe ya milele. Nguvu ya nafsi hii ni lazima iwe zaidi ya ile ya
uumbaji wote.
Lakini hilo linahusianaje na ghadhabu ya Mungu? Paulo anaendelea, “Kwa
sababu mambo yake yasiyoonekana tangu kuumbwa ulimwengu yanaonekana,
na kufahamika kwa kazi zake, yaani, uweza wake wa milele na Uungu wake;
hata wasiwe na udhuru; kwa sababu, walipomjua Mungu hawakumtukuza kama
ndiye Mungu wala kumshukuru; bali walipotea katika uzushi wao, na mioyo yao
yenye ujinga ikatiwa giza. Wakijinena kuwa wenye hekima walipumbazika;
wakaubadili utukufu wa Mungu asiye na uharibifu kwa mfano wa sura ya
binadamu aliye na uharibifu, na ya ndege, na ya wanyama, na ya vitambaavyo”
(Rum 1:20-23). Paulo yuko wazi, sio kuhusika tu na swali la uwepo wa Mungu,
bali pia swali juu ya yule tunayemheshimu, nani tunayemtumikia, yupi
anayeongoza fikra zetu. Mwanadamu, kukataa kumshukuru Mungu kwa kile
anachopata, hakatai wazo la kinadharia tu, bali Mwumba wa kweli na aishiye. Ili
kuepa kumshukuru Mungu, Mwanadamu ni lazima avumbue dini mbadala.
Katika maoni ya Paulo, hakuna mahali binadamu afikiriapo kijinga kabisa kama
wakati ajaribupo kuuunda dini ili asiweze kumshukuru Mungu. Mwanadamu
hupendelea kuabudu sanamu mfu za wanyama, hivyo kuzama tena zaidi katika
ngazi za Uumbaji. Paulo anadokeza kuwa uabudu sanamu kwa kawaida
humfanya mwanadamu kuwa sio chini ya mnyama tu bali pia sanamu yake.
Mwanadamu huabudu vitu ambavyo yeye mwenyewe aweza kuviharibu na
kusema kweli viko chini yake. Anaabudu vitu vingine badala ya Mungu, lakini ni
lazima awe na kitu cha kuabudu.
Katika hali halisi yawezekana mtu akamtambua Mwumba wa milele katika
Uumbaji wake? Ndio na Hapana. Ndiyo, kwa sababu Mungu amhukumu kwa
kushindwa kufanya hivyo. Hapana, kwa kuwa Paulo anathibitisha pia kwamba
uzao wa wanadamu wote hukataa kumpa Mungu heshima inayostahili. Ukweli
kwamba watu wote waweza kumwelewa Mwumba unathibitishwa kwa ukweli
kuwa kila mwanadamu ana mbadala wa Mungu. Hakuna watu wasio na dini,
ambayo kwa mujibu wa Biblia, ni matokeo ya umuhimu wa kushikilia kitu.
Katika Warumi 1:25, Paulo anafupisha, “…waliibadili kweli ya Mungu kuwa
uongo, wakakisujudia kiumbe na kukiabudu badala ya Mwumba anayehimidiwa
milele. Amina”. Paulo anazungumza juu ya wengine wasiomheshimu Mungu,
jambo awezalo yeye kufanya (yaani kumheshimu Mungu), hata hivyo, ni kwa
sababu amepokea msamaha wa dhambi kupitia kwake Yesu Kristo, na
anaongeza kumtukuza Mungu kwenye hoja yake. Suala juu ya Mungu kamwe si
mada ya kinadharia tu ambayo mtu aweza kuifikiri kihalisi tu, bali daima ni
jambo lenye kutuathiri kibinafsi sisi wenyewe. Si jambo la kushangaza kwamba
suala la shukrani na heshima ni la kimaamuzi.