Upendo ni Utimilifu wa Sheria Insha juu ya Maadili - Martin Bucer ...

Haki za Binadamu na Imani ya Kikristo 97
Kwa ukaribu likihusishwa na wazo la haki za binadamu, kuna dai kuwa watu
wote wana haki sawa kutendewa kama binadamu – bila kujali ujamii wowote,
dini, jinsi, ushawishi wa kidini, au heshima ya kijamii au kiuchumi iwezavyo
kuwa. Nini ni msingi wa usawa wa binadamu, kama si ukweli kwamba wote
waliumbwa na Mungu katika hali ya usawa? Hivyo, hoja ya Kikristo kwa haki za
binadamu ni lazima ianze na historia ya Biblia ya Uumbaji, “Mungu akasema,
Na tumfanye mtu kwa mfano wetu, kwa sura yetu; wakatawale samaki wa
baharini, na ndege wa angani, na wanyama, na nchi yote pia, na kila chenye
kutambaa kitambaacho juu ya nchi. Mungu akaumba mtu kwa mfano wake, kwa
mfano wa Mungu alimwumba, mwanamume na mwanamke aliwaumba” (Mwa.
1:26-27). Ukweli kwamba Binadamu aliumbwa katika mfano na sura ya Mungu
unamfanya ashiriki jukumu kubwa katika mahusiano na binadamu, mtu kwa
mwenzake, Kwa mfano, Mwa. 9:16 inamhitaji mwuaji kuadhibiwa kwa kuwa
uuaji uharibu mfano au sura ya Mungu.
Uumbaji upo kwa ajili ya utukufu wa Mungu na una maana yake kutoka kwa
Mungu. Ukweli huu unashikilia zaidi “Taji ya Uumbaji”, Binadamu aliumbwa
kwa mujibu wa amri ya Mungu ya Uumbaji ili kutimiza jukumu alilopewa na
Mungu. Mungu alimfanya awe mtawala juu ya dunia, bali pia alimpa wajibu wa
kuhifadhi viumbe wa dunia. Mtunga Zaburi aandika, “Umemfanya kuwa na
utawala juu ya kazi za mikono yako; umeweka vitu vyote chini ya miguu
yake: kondoo na ng'ombe wote, naam, na wanyama wa kondeni”
(Zab. 8:6-7).
Kwa sababu hii, haki za binadamu hujumuisha tu yale mapendeleo ambayo
Mungu amempa Binadamu, hakuna haki nyingine ambazo binadamu anaweza
kuchagua au kudai mwenyewe, kwa matakwa yake mwenyewe.
Kwa hiyo Wakristo hawawezi kujiambatanisha moja kwa moja na orodha ya
haki za binadamu zilizotengenezwa na nchi za Magharibi badala ya zile za
Biblia. Maandiko hueleza haki za taratibu za Kimahakama zilizopangwa kwa
mujibu wa sheria zilizoelezwa vema, kwa kusikiliza mashahidi, kwa mahakimu
ambao hawajapewa rushwa na kwa ulinzi wa kisheria, kama tutakavyoona. Hata
hivyo, milolongo hiyo ya kisheria haiwezi kujibainisha na utekelezaji wa haki za
kimagharibi. Fikiri ingekuwa hivyo – ingejibainisha na mfumo upi? Mfumo wa
Kijerumani, Kiingereza, Kifaransa au Kimarekani? Sote tunajua kuwa mifumo
hii ni tofauti sana! Kuna nafasi kubwa kwa aina ya mifumo ya kisheria ambayo
hutofautiana kwa sababu za kitamaduni na mapokeo ya kihistoria ya watu wake,
lakini bado zinatoa hakikisho la haki za binadamu.
Mizizi ya Kikristo ya Haki za Binadamu
Hakuna yeyote awezaye kubisha ukweli kwamba haki za binadamu zilizotolewa
kumlinda mtu, zinatoka katika fikra za Kikristo. Kwa uwazi, Azimio Kuu la Haki
za Binadamu la Umoja wa Mataifa la Desemba 10, 1948 linadhihirisha mizizi