Upendo ni Utimilifu wa Sheria Insha juu ya Maadili - Martin Bucer ...

22 Schirrmacher, Insha juu ya Maadili
Mungu ni Mungu Afanyaye Kazi
1. Mungu Mtatu ni Mungu Afanyaye Kazi. Katika Biblia, kazi ya mwanadamu ni
yenye thamani kubwa, kwa sababu inamwakisi Mungu mwenyewe afanyaye
kazi. Tangu awali Mungu Mtatu amekuwa akifanya kazi kabla ya uwepo wa
mwanadamu wakati wa uumbaji. Kwa kuwa yeye ni mtatu, aliweza hata kufanya
kazi katika umilele kabla ya uumbaji kuwepo. Nafsi za Utatu zilitenda kazi
pamoja na kwa kila moja.
Katika Biblia kila kitu chema huja kutoka kwa Utatu. Wanachama wa Utatu
huzungumza wao kwa wao na Yesu ni Neno, hivyo twaweza kuongea sisi kwa
sisi. Kwa sababu Nafsi za Utatu haziishi kwa ajili yao zenyewe, lakini huishi kwa
ajili ya kila mmoja, watu wanaweza kuambiwa kufanya hivyo hivyo. Kwa
sababu Nafsi za Utatu hujadiliana zenyewe kwa zenyewe, kutoamua mambo
peke yetu ni kanuni ya Biblia. Katika Utatu: utii upo pasipo yeyote kulazimishwa
kufanya chochote: upendo na Sheria ni mapacha. Mawasiliano, upendo,
kuheshimiana kila mmoja na kufanya kazi kuelekea lengo mbali na nafsi zetu
huja kutoka kwa Utatu. Lakini Utatu ulikuwapo hata kabla ya dunia kuumbwa.
Hivyo kupenda, kuongea, kusaidia, kusikiliza na utii vipo milele. Mungu hahitaji
watu ili awepo au awe mzuri.
Watetezi wengi mbalimbali wa dini zenye imani ya Mungu mmoja kama
Waislamu au Wayahudi wale wasiokubali kwamba Utatu una mizizi katika
Agano la Kale (Ninaongelea juu ya theolojia ya Kiyahudi, sio juu ya mtazamo
wa kibiblia juu ya Wayahudi) – hili ni jambo tofauti. Hata hivyo Mungu
alikuwepo kabla ya kuumbwa kwa ulimwengu. Lakini anaweza kuupenda tu
Uumbaji. Hakuwa na yeyote wa kupenda kabla hajamwumba yeyote. Dini zote
zaweza tu kuongea jinsi Mungu ajishughulishavyo na Uumbaji. Wakristo wana
ufunuo wa jinsi Mungu ajishughulishavyo juu yake mwenyewe kwa sababu yeye
ni Mtatu.
Kazi ya mwanadamu ina heshima katika maana halisi ya neno. Katika Amri
Kumi, kazi inaamriwa na Mungu mwenyewe kwa sababu ifuatayo: “Siku sita
fanya kazi, utende mambo yako yote; lakini siku ya saba ni Sabato ya BWANA,
Mungu wako, siku hiyo usifanye kazi yoyote, wewe, wala mwana wako, wala
binti yako, wala mtumwa wako, wala mjakazi wako, wala mnyama wako wa
kufuga, wala mgeni aliye ndani ya malango yako. Maana, kwa siku sita BWANA
alifanya mbingu, na nchi, na bahari, na vyote vilivyomo, akastarehe siku ya
saba; kwa hiyo BWANA akaibarikia siku ya Sabato akaitakasa” (Kut. 20:9-11).
Kwa kweli historia ya uumbaji husema kwamba Mungu “alimaliza kazi yake
yote aliyoifanya (au kutoka katika kazi yake yote)” (Mwa. 2:2) katika siku ya
saba ya uumbaji: Mara kadhaa Biblia huongea juu ya kazi ya kujishughulisha
kwa Mungu. Hivyo Daudi anaomba kwa ajili ya “kazi za mikono yako” (Zab.