Upendo ni Utimilifu wa Sheria Insha juu ya Maadili - Martin Bucer ...

32 Schirrmacher, Insha juu ya Maadili
Bwana, wala si kwa wanadamu, mkijua ya kuwa mtapokea kwa Bwana ujira wa
urithi. Mnamtumikia Bwana Yesu” (Kol. 3:23-24).
“Heshima ya kazi haitokani na kile ufanyacho bali kwa nini
unakifanya. Kwa sababu ya agizo la utumishi lililotolewa na Mungu na tabia
ya utumishi katika kazi kuelekea kwa jirani yako, kazi yenye ufundi kidogo
kabisa ni yenye thamani sawa na kazi “itumiayo akili sana”’. 46
Watu wengi wanalilaumu Agano Jipya kwa sababu linaamuru watumwa kuwa
wafanyakazi wema (mfano, Tito 2:9-11; Efe. 6:5-9; Kol. 3:22-4:1; 1 Tim. 6:1-2;
1 Pet. 2:18-25; 1 Kor. 7:21-24). Tumekwishasikia sababu za malaumu hayo.
Mtu hufanya kazi kwa ajili ya Mungu, sio kwa ajili ya mwajiri. Huu ni uhuru
halisi! “Ninyi watumwa, watiini hao ambao kwa mwili ni bwana zenu, katika
mambo yote, si kwa utumwa wa macho, kama wajipendekezao kwa wanadamu,
bali kwa unyofu wa moyo, mkimcha Bwana” (Kol. 3:22). Hakuna kazi chafu au
mbaya katika Biblia, isipokuwa kazi au zile taaluma ambazo moja kwa moja
zinakatazwa na Mungu kama ukahaba. Mwajiri mwanadamu sio mtoaji halisi wa
mishahara, bali Mwajiri Mkuu wa Uumbaji. Kwa sababu ni Mungu pekee,
Mwajiri pekee, atoaye ujira kwa haki, ni lazima waajiri wanadamu wafanye
vivyo hivyo.
Paulo yule anayetuambia watumwa wawe wafanyakazi wazuri anaandika: Kila
mtu na akae katika hali ileile ambayo alikuwa nayo alipoitwa. Je! Uliitwa u
mtumwa? Usione ni vibaya lakini kama ukiweza kuwa huru, afadhali
kuutumia. Kwa maana yeye aliyeitwa katika Bwana hali ya utumwa, ni huru wa
Bwana. Hivyo yeye aliyeitwa hali ya uhuru, ni mtumwa wa Kristo. Mliumbwa
kwa thamani; msiwe watumwa wa wanadamu (1 Kor. 7:20-23). Katika waraka
kwa Filemoni, Paulo anajishughulisha na kufunguliwa kwa mtumwa. Je, huu ni
mkanganyiko? Hapana, kwa sababu Paulo anasema: “Lakini kama ukiweza
kuwa huru, afadhali kuutumia”. Lakini mtumwa hahitaji kusubiri muda mrefu
wa kuishi ili aweze kuishi maisha yenye matunda. Ameitwa na Mungu, ameitwa
kwa ajili ya ufalme wa mbinguni, lakini pia ameitwa kwa kazi yake. Sio kazi ya
mtumwa kwa watu inayofanya maisha yake kuwa yenye thamani bali hali yake
ya kuitwa na Mwumba na mkombozi wake.
Nguvu ipenyayo ya imani ya Kikristo katika historia inajikita katika ukweli huu.
Mkristo aweza kumtumikia Mungu kama mtumwa pasipo kubadili hali yake ya
nje, na anaweza kupata uhuru na kujishughulisha kwa ajili ya kujikomboa na
kubadili hali yake. Ana maisha kamili katika kila hali. Kwa sababu tayari anacho
kila kitu, anaweza kubadili kila kitu.
Katika Kol. 3:25 - 4:1 tunapata maonyo makali kwa mabwana wa watumwa.
Wanakumbushwa majukumu yao ya kisheria kwa sababu Mungu hana
upendeleo kwa mtu. Mtumwa wa Kikristo hata hivyo hahitaji kusubiri mpaka
bwana wake awapo mwenye haki. Anaweza kuishi kwa mujibu wa makusudi ya
46 Emil Brunner. Das Gebot und die Ordnungen. Zwingli Verlag: Zuerich, 1939 4 . p. 373