Upendo ni Utimilifu wa Sheria Insha juu ya Maadili - Martin Bucer ...

36 Schirrmacher, Insha juu ya Maadili
zake za uzalishaji; hivyo ndivyo haki ya tabaka jembamba la wenye nacho
(bouigeois) yaweza kufungwa na jamii yaweza kuandika kwenye bango lake:
Kila mmoja kwa kadri ya uwezo wake, kila mmoja kwa kadri ya mahitaji
yake!” 50
Kamwe Marx hakuweza kuelezea jinsi ambavyo jambo hilo lingewezekana
pasipo mgawanyo wa kazi. Kamwe hakujibu swali hilo iwapo mwisho wa
mgawanyo wa kazi humaanisha kila mmoja anapaswa kufanya jambo lile lile.
Kamwe hakujibu jinsi ambavyo jamii ingefanya kazi pasipo mgawanyo wa kazi.
Bali alitabiri tu tumaini lake la umoja kwa sababu alimchukia Mungu Mtatu,
aliye chanzo cha tofauti zote za kweli.
Kazi ya Mungu ni Huduma ya Kila Mtu na Mwenzake
Katika Utatu, Nafsi hufanya kazi kila mmoja kwa mwenzake. Katika na baada ya
Uumbaji, Mungu hufanya kazi kwa ajili ya Uumbaji. Kamwe kazi si tu kwa ajili
ya faida ya yule afanyaye kazi. Daima na kwa wakati uleule kazi ni kwa ajili ya
mtu binafsi na kwa ajili ya wengine. Ni Mungu Mtatu awezaye kufanya
iwezekane kwamba, kazi kwa ajili ya mtu binafsi na kazi kwa ajili ya wengine
havisimami katika kupingana kila kimoja na chenzake bali daima huenda
sambamba. Kama ilivyo kazi ya Mungu kwa ajili ya utukufu wake mwenyewe,
daima kwa wakati uleule kazi kwa ajili ya Nafsi nyingine ya Utatu na, au kwa
ajili ya Uumbaji wake; ndivyo kazi ya mtu ilivyopangwa kumsaidia yeye
mwenyewe na kuwasaidia wengine.
Kazi ni huduma. Lugha zetu zimechukua wazo hili kutoka kwenye athari ya
Ukristo. Tunatumia neno la Kilatini kwa mtumishi, “mhudumu”, kumwita
mchungaji na vile vile mwanasiasa kwenye cheo cha juu. Yawezekana
mfanyakazi mwenye nafasi ya mamlaka apate cheo cha heshima ‘mtumishi’?
Kwa sababu Mamlaka Kuu, Yesu Kristo Mwenyewe, ni mtumishi.
Tunazungumza juu ya ‘utumishi wa umma’ juu ya utumishi wa kijeshi, juu ya
‘urefu wa utumishi’ na ‘miaka ya utumishi’ badala ya miaka ya kazi.
Kwa hiyo mishahara kamwe haitumiki kwa ajili ya mfanyakzi tu.
“Agano Jipya halidunishi ukweli kwamba kazi hutumika kumpatia
mtu gharama za kuishi (Efe. 4:28; 1 Thes. 4:11; 2 Thes. 3:8, 12). Lakini kwa
upande mwingine, mishahara haikusudiwi tu kwa ajili ya yule afanyaye
kazi.” 51
Sehemu ya pato isiyohamishika, zaka, ni ya Mungu. Jamii na Serikali kisheria
zaweza kuchukua kodi (ingawa kwa hakika si sana kwa siku hizi). Yeyote
asiyelipa kwa ajili ya maisha ya familia yake, ukijumuisha wazazi wake, ni
mbaya kuliko asiyeamini (1 Tim. 5:8; Mk. 7:9-13). Kuna majukumu mengine ya
kijamii.
50 Rud. vol. 19. uk. 21 (Katika Kijerumani sentensi hii ni ngumu zaidi. Kama ilivyo sawia kwa Marx.)
51 Hermann Cremer. Arbeit und Eigentum in christlicher Sicht. op. cit. uk. 11