Upendo ni Utimilifu wa Sheria Insha juu ya Maadili - Martin Bucer ...

Juu ya Kuapa katika Nyakati za Agano Jipya 71
Katika hali hii, Mat. 5:34-35 yapaswa kutafsiriwa “Usiape kabisa kwa
mbingu…wala kwa nchi…”, hivyo Yakobo 5:12 ingemaanisha “Msiape kwa
mbingu wala kwa nchi…” 82 Kifungu kizima cha Mathayo kingekuwa, “…Hata
hivyo, mimi nawaambia, Usiape kwa mbingu kabisa; kwa kuwa ni kiti cha
Mungu; wala kwa nchi, kwa kuwa ni pahali pa kuwekea miguu yake; wala
kwa Yerusalemu, kwa kuwa ni mji wa Mfalme mkuu wala usiape kwa
kichwa chako, maana huwezi kufanya unywele mmoja kuwa mweupe au
mweusi”. Yakobo 5:12 husomeka, “Zaidi ya yote, ndugu zangu, msiape ama
kwa mbingu au kwa nchi; au kwa kiapo kinginecho chote (au kwa kiapo cha
kitu kingine kiwacho chote). Bali ndiyo yenu na iwe ndiyo, na siyo yenu iwe
siyo, ili msije kuwa chini ya hukumu”.
Usambamba katika Mat. 23:16-22 huelezea wazo hili kwa uwazi zaidi, “Ole
wenu viongozi vipofu, msemao, Ikiwa mtu aapa kwa hekalu, jambo hilo
halifungi, lakini ikiwa aapa kwa dhahabu iliyo hekaluni, jambo hilo
linafunga. Wapumbavu na vipofu! Kipi ni kikubwa, dhahabu au hekalu
liifanyayo dhahabu kuwa takatifu? Na ikiwa mtu aapa kwa madhabahu,
jambo hilo halifungi, lakini ikiwa aapa kwa sadaka ilazwayo juu ya
madhabahu, jambo hilo hufunga. Vipofu! Kipi ni kikubwa, sadaka au
madhabahu ambayo huifanya sadaka kuwa takatifu? Ikiwa mtu aapa kwa
madhabahu, aapa kwayo na kwa kila kitu kilazwacho juu yake. Yeyote
aapaye kwa hekalu, aapa kwalo na kwa yeye aishiye humo. Na wakati mtu
aapapo kwa mbingu, aapa kwa kiti cha enzi cha Mungu na kwa yeye akaaye
juu yake”. Yesu hapingi viapo vyenyewe, bali anapinga vile ambavyo
vilifanywa kwa vitu badala ya Mungu na ambavyo nguvu yake ya ulazima
ilipangwa kwa mujibu wa vitu vilivyoapiwa.
Daima kiapo ni lazima kifanywe kwa kitu kilicho juu kuliko mhusika au kwa
Uwepo Mkuu*, Mungu akiwa wa pekee kabisa. Mungu huapa kwa nafsi yake
mwenyewe kwa sababu “hakuwa na mkubwa zaidi wa kumwapia…” (Ebr.
6:13). Kwa sababu kila kiapo humtambua aliyeapiwa kama Bwana na kama
mamlaka kuu, Mungu huzuia kuapa kwa miungu wengine na huchukulia viapo
vyote kwa makini, hata vile visivyofanywa kwa jina lake. Pia huzingatia
kimfungacho mtoa kiapo, au kama kiapo kina utimizaji wa uovu, humwadhibu
mtu kipekee sio tu kwa kutaka, bali pia kwa kuapa kutenda uovu.
Sheria ya Ujerumani huruhusu viongozi wa serikali kuamua wao wenyewe kama
wanataka kutoa kiapo cha kazi kwa tamko la kidini au pasipo tamko hilo
(Grundgesetz n 56 na 64). Hata hivyo, kutoka katika mtazamo wa Kikristo, kiapo
kisichorejea kwa mamlaka kuu hakiwezi kufikirika. Helmut Thielicke
amedhihirisha kwamba asiyeamini Mungu hawezi kabisa kufanya kiapo kwa
82 Tazama Robert L. Dabney. Systematic Theology (1875, repr. Edinburgh, Scotland: Banner of Truth, 1985),
uk. 365. Tazama pia kk. 364-365.