Upendo ni Utimilifu wa Sheria Insha juu ya Maadili - Martin Bucer ...

Juu ya Kuapa katika Nyakati za Agano Jipya 87
wale walifanywa makuhani pasipo kiapo; bali yeye, pamoja na kiapo, kwa yeye
aliyemwambia, Bwana ameapa, wala hataghairi, ndiwe kuhani hata milele, kwa
mfano wa Melkizedeki); basi kwa kadri hii Yesu amekuwa mdhamini wa agano
lililo bora zaidi” (Ebr. 7:20-22). Ukuhani wa Kilawi waweza kukoma kwa
sababu haukuwa umeasisiwa milele kwa kiapo, lakini ukuhani wa Yesu hauwezi
kukoma kwa sababu umetiwa muhuri kwa kiapo milele.
Mwandishi yule yule anaeleza kiapo cha Mungu kama ifuatavyo, “Kwa maana
ni hakika kwa watu kuapa kwa mkuu, na kiapo kwa ajili ya uthibitisho ni
mwisho wa mabishano kati yao. Hivyo Mungu, akikusudia kuonesha kwa
wingi kwa warithi wa imani kutobadilika kwa shauri lake, ambalo kwalo
haiwezekani kwa Mungu kudanganya, tuweze kuwa na faraja imara, sisi
tuliokimbilia kuyashika matumaini yaliyowekwa mbele yetu” (Ebr.
6:16-18). ‘Kutobadilika kwa shauri lake’ ni ‘fasili’ bora ya kiapo.
Katika Isaya 45:23-24, Mungu anafasili kiapo chake kama ‘neno’ ambalo
‘halitarudi’. Zab. 110:4 inatuambia, “Bwana ameapa, wala hataghairi”, Zab.
132:11 asema, “BWANA amemwapia Daudi neno la kweli, hatarudi nyuma”, na
katika Zab. 119:106 Daudi asema, “Nimeapa nami nitaifikiliza…”
Mungu aweza kubadili fikra yake, hata baada ya kuwa ameshafanya tamko,
kama kitabu cha Yona kinavyodhihirisha. Mara moja aapapo, hata iweje,
hatabadili neno lake!
Matamko ya kinabii yasiyofungwa na kiapo cha ki-Mungu yaweza
kusitishwa au kubadilishwa. Unabii wa Yona kuwa Ninawi utaharibiwa katika
siku arobaini (Yona 3:4) ulisitishwa baada ya watu wa Ninawi kutubu.
Ukiachilia mbali malalamiko yake, Yona alikuwa akitambua kikamilifu
kwamba Mungu hutenda kwa njia hii, “…Nakuomba, Ee BWANA; sivyo
hivyo nilivyosema hapo nilipokuwa katika nchi yangu? Hii ndio sababu
nalifanya haraka kukimbilia Tarshishi; kwa maana nalijua ya kuwa wewe u
Mungu mwenye neema, umejaa huruma, si mwepesi wa hasira, u mwingi wa
rehema, nawe hughairi mabaya” (Yona 4:2). Ni sawa na Mungu amwambiapo
Eli, “…Ni kweli nalisema ya kuwa nyumba yako, na nyumba ya baba yako
itakwenda mbele zangu milele; lakini sasa BWANA asema, Jambo hili na liwe
mbali nami; kwa maana wao wanaoniheshimu nitawaheshimu, nao
wanaonidharau watahesabiwa kuwa si kitu” (1 Sam. 2:30). Ahadi ya Mungu
haikuwa na kanuni, lakini kwa kiwango hiki, anaapa kiapo ( ‘Hilo liwe mbali
nami’) kuwa nyumba Eli, bila kubadilika, lazima ifikie mwisho.
Neema ya Mungu ipitayo fahamu zote inaelezwa katika ukweli
kwamba mara chache hutia muhuri matamko yake ya hukumu kwa kiapo,
lakini hufanya hivyo mara nyingi kwa matamko ya neema, si tu katika agano
na Nuhu, kwamba hukumu ile haitaipata dunia tena (Mwa. 8:20-9:17). Kanuni
ileile hufanya kazi katika historia ya watu wa Israeli. Isa. 54:9-10 inahusisha
vyote viwili kwa kila kimoja, “Kwa maana jambo hili limekuwa kama maji ya
Nuhu kwangu; maana kama nilivyoapa ya kwamba maji ya Nuhu hayatapita
juu ya dunia tena, kadhalika nimeapa ya kwamba sitakuonea hasira, wala
kukukemea. Maana milima itaondoka, na vilima vitaondolewa; bali wema