Upendo ni Utimilifu wa Sheria Insha juu ya Maadili - Martin Bucer ...

102 Schirrmacher, Insha juu ya Maadili
kuelekeza kwenye umilele, kutoa uimara wa maadili na kuchochea moyo wa
mahusiano baina ya mtu na Mungu.
Hivyo, mwanahistoria Eugen Ewig huzungumzia fundisho la Agano la Kale la
Mamlaka mbili. Eduard Eichmann, pia ni mwanahistoria, akiandika juu ya
mgawanyo wa mamlaka katika Agano la Kale baina ya kuhani na mfalme
anasema, “Sambamba na Maandiko Matakatifu mitazamo ya Agano la Kale
imekuwa mali-shirika ya Mkristo wa Magharibi”.
Yesu alithibitisha utengano huu katika maneno, “mpeni Kaisari yaliyo ya
Kaisari, na yaliyo ya Mungu mpeni Mungu” (Mk. 12:17). Kwa sababu sheria hii
imekuja kutoka kwa Mungu, ambaye yu juu ya mfalme, taasisi za kidini za
Mungu zilizomo duniani, watu wa Mungu waliojiweka pamoja, hawako juu ya
mfalme. Kipaumbele cha kwanza ni utii kwa Mungu, ambaye hutambua na
kuweka mipaka ya kile kilicho cha Kaisari. Kaisari hana mamlaka ya kutambua
na kuweka mipaka ya kile kilicho cha Mungu. Hata hivyo, hii haimaanishi
kwamba mtawala ni tegemezi kwa Kanisa, kwa kuwa Mungu amekwisha kumpa
wajibu kwa watu wote katika utawala wake, sio tu waamini wa kundi moja la
kidini.
Utengano baina ya Kanisa na Serikali haumaanishi kwamba daima majukumu
hayaingiliani, au kwamba taasisi hizo hazihitajiani. Kinyume chake, Kanisa
laweza kuishauri serikali na kuifundisha Sheria ya Mungu, kama Yehoyada
alivyomfundisha Yoashi, “Yoashi akafanya yaliyo mema machoni pa BWANA
siku zake zote Yehoyada kuhani alizomfundisha” (2 Fal. 12:2). Ni jambo baya
kwamba Kanisa la sasa limetupilia mbali huduma hii muhimu na linapendelea
kujiunga na makundi mbalimbali na kulalamika.
Utenganishi wa Kanisa na serikali hauwi vita dhidi ya Ukristo hadi pale Serikali
inaposahau jukumu lake katika Sheria ya Mungu na kuanza kuitesa imani.
Mungu Hana Upendeleo
Karne nyingi zilizopita katika Biblia, Mungu alifanya hatua halali za kisheria za
haki za binadamu. Hakimu mwenye haki ni wa muhimu katika kuitambua haki,
na Mungu ni mfano wa kwanza na asilia wa hakimu mwenye haki (Kumb.
10:17-18; Zab. 7:9+12; 9:5; 50:6, Tazama pia Zab. 75:3+8), “kwa maana
BWANA ni Mungu wa hukumu” (Isaya 30:18). Yeye ni mlinzi wa haki. Wale
wahukumuo kwa halali hutenda katika Jina la Mungu. Agano la Kale hutueleza
juu ya mfalme mwenye haki Yehoshafati, “Na akawaambia mahakimu,
zingatieni yale myafanyayo, kwa kuwa hamhukumu kwa ajili ya mtu, bali
kwa ajili ya BWANA, ambaye yu nanyi katika hukumu. Basi sasa hofu ya
BWANA iwe juu yenu, zingatieni na mkafanye, kwa kuwa hakuna uovu
kwa BWANA Mungu wetu, wala kuheshimu nafasi za watu, wala kupokea
zawadi” (2 Nya. 19:6-7).