Upendo ni Utimilifu wa Sheria Insha juu ya Maadili - Martin Bucer ...

Upendo ni Utimilifu wa Sheria 19
Injili na Sheria husimama kinyume tu cha kila moja – hususani katika nyaraka za
Paulo – iwapo ‘sheria’ inaeleweka kama wokovu kwa Sheria, lakini si iwapo
Sheria inaeleweka kama Sheria ya Mungu iliyoandikwa katika Agano la Kale.
Pasipo Sheria Upendo Hufa
Upendo na Sheria huwa pamoja. Kwa hiyo ukosa-sheria daima hutuongoza
kwenye ukosa-upendo. 11 Upendo ni utimilifu wa Sheria na pasipo Sheria
upendo hufa. Hii ni kweli kwa maagano yote yaliyotolewa na Mungu. Pasipo
Sheria hapatakuwa na upendo katika ndoa na katika familia. Pasipo Sheria
hapatakuwa na upendo katika Kanisa. Pasipo Sheria hapatakuwa na upendo
katika ngazi za chini na za juu Serikalini. Hakuna kifungu katika Agano la Kale
na Jipya kinachofasili kwa uwazi zaidi kuliko unabii wa Yesu katika Mat. 24:12
“Na kwa sababu ya ukosa-sheria kuzidi, upendo wa wengi utapoa”. 12
Nadhani hakuna mstari katika Biblia unaoeleza kwa makini zaidi, kwa kifupi na
kwa uwazi zaidi tatizo kubwa la Uyumanisti wa siku hizi na pia jukwaa la Kiinjili
la siku hizi kuliko huu: “Na kwa sababu ya ukosa-sheria kuzidi, upendo wa
wengi utapoa”. Ni rudio kwa upendo wa Mungu na kwa Sheria ya Mungu tu
liwezalo kurejesha tena upendo katika familia zetu, makanisa yetu, mahusiano
ya kikazi, jamii na serikali zetu. Ni rudio kwa upendo wa Mungu na Sheria ya
Mungu tu liwezalo kutuongoza kwenye ujenzi wa kila eneo la maisha yetu. Kwa
hiyo tumpende zaidi na zaidi na kuishi katika Sheria yake na kuitangaza kwa
Kanisa lisilo na sheria na lisilo na upendo na kwa jamii isiyo na sheria na isiyo na
upendo.
Sasa, yapi ni matokeo, wakati tuongeapo juu ya upendo, pasipo kuruhusiwa
kufasili aina yoyote ya sheria au kanuni? Kuna mifano mingi ya kila siku kuhusu
jambo hili ‘uhuru’. Fikiri mchezo wa mpira wa miguu ambao sheria yake ni
‘Kuwa Mwungwana!’ 13 Uungwana ni kitu kizuri katika michezo, lakini pasipo
sheria, yote hayana maana na hayafai kitu. Kila mchezaji angeifasili tofauti.
Ikiwa upendo ndio kichocheo na lengo la Sheria, hatutampenda tu Mtoa-Sheria,
Mungu Baba, Mungu Mwana na Mungu Roho Mtakatifu, bali pia tutaipenda
Sheria yake yenyewe, kama tuonavyo tena na tena katika Zaburi. “Ninayo nia
kuyafanya mapenzi yako, Ee Mungu wangu, Sheria yako iko ndani ya moyo
wangu” (Zab. 40:8 - Paulo anautumia mstari huu katika Rum. 7:22). “Ni jinsi
gani niipendavyo Sheria yako! Ninatafakari juu yake mchana kutwa” (Zab.
119:97; linganisha na Zab. 119:47-48, 113, 119, 127-128, 159, 163, 165, 167).
11 Kijerumani hutumia neno ‘Lieblosigkeit’, ‘kutokuwa na upendo’ ambalo linaundwa kama ‘Gesetzlosigkeit’,
‘kutokuwa na Sheria’. Kwa hiyo natumia neno ukosa-pendo, kwa kuwa ‘ukosa-wema’ ni dhaifu kwa somo
langu
12 Nilitumia Toleo la Mfalme James (King James Version) lakini nilibadili ‘iniquity’ (uovu)’ kuwa
‘kukosa-sheria’, tafsiri bora kwa neno la Kigriki ‘anomia’, “kuwa huna sheria”. Vifungu vingine vya Biblia
vimetafsiriwa na mwandishi kutoka andiko la Kigriki
13 Kutoka kwa Erwin Lutzer. Measuring Morality: A Comparison of Ethical Systems (Dallas, Tex., Probe
Ministries Int., 1989) uk. 36