Upendo ni Utimilifu wa Sheria Insha juu ya Maadili - Martin Bucer ...

38 Mtazamo wa Kibiblia juu ya Sheria ya Mungu
MTAZAMO WA KIBIBLIA NA SHERIA YA MUNGU
(1995) 52
1. Hakuna mtu awezaye kuishi bila sheria. Kamwe, si suala la sheria dhidi ya
kutokuwepo kwa sheria, au si juu ya sheria ya Mungu dhidi ya kutokuwapo kwa
sheria; bali daima ni vita baina ya Sheria ya Mungu na sheria mbalimbali za
watu, dini na aideolojia mbalimbali.
2. Kwa hiyo, suala si kama mtu anataka kuwa chini ya sheria au la, bali ni sheria
ipi inayomfunga: “hukumu za mataifa” au Sheria ya Mungu (Eze. 11:12; taz.
Yer. 10:3, 8; Law. 18:3-5). Jambo hili linaendelea kuwa halali kwa Wakristo,
ambao hawapaswi kujichukulia hukumu zao kutoka katika dini nyingine,
tamaduni nyingine au kutoka katika mazingira yao, bali kutoka kwa Mungu na
Sheria yake pekee.
3. Kiini cha maadili kwa mujibu wa fasili na chanzo cha dini chaweza
kudhihirishwa kwa lugha mbalimbali ambazo kwazo neno tuliitalo leo ‘dini’
lilikuwa ni neno sawa na ‘sheria’. Maana ya istilahi ‘dini’ [religion] katika
mtazamo wa kisasa ni matokeo ya Mapinduzi ya Ufaransa na Zama za Mwako.
Katika Zama za Kati na hapo kabla, istilahi ‘lex’ (‘sheria’) ilitumika mara nyingi
zaidi ya neno jingine lolote katika kuzipatia dini mbalimbali jina la jumla.
4. Sheria za Mungu zina mizizi katika tabia ya Mungu. Kwa hiyo sifa za Mungu,
zinadhihirishwa katika Agano la Kale na Agano Jipya, zikilingana na Sheria ya
Mungu na neno la Mungu. Ingawa Mungu pekee ndiye “mtakatifu” (Ufu. 15:4),
“mwema” (Mk. 10:18) na “mwenye haki” (Nya. 12:6; Zab. 11:7), “Sheria”
vilevile ni “takatifu, na ya haki na njema” (Rum. 7:12).
5. Hakuna mtazamo wa Sheria ya kibiblia uwezayo kuwa halali ambao kwao
Sheria haionekani kwa jumla kama Neno la Mungu kweli kweli, sawa na sehemu
nyingine ya Biblia. Sheria sio sehemu duni ya Biblia.
6. Upinga-Uyahudi ni mahali pekee penye uwezekano ambapo Agano la Kale,
hususani Sheria ya Agano la Kale, limewekwa kando. Upendo kwa Agano la
Kale na Sheria yake ni ulinzi bora dhidi ya Upinga-Uyahudi.
7. Je, Yesu aliweka Upendo mahali pa Sheria? Je, nafasi ya Agano la Kale lililo
katili ilichukuliwa na Agano Jipya lenye upendo? Hili lawezekana vipi kwani
amri kuu (iliyo kiini) ya Agano Jipya “Mpende jirani yako kama nafsi yako”, ni
52 Ilichapwa tena kutoka katika Chalcedon Report Nr. 367 (Febr 1996): 16-18