Upendo ni Utimilifu wa Sheria Insha juu ya Maadili - Martin Bucer ...

76 Schirrmacher, Insha juu ya Maadili
mujibu wa mafundisho ya Nabii kwa haki, fikra nzito, hukumu na kweli. 99
Katekisimu ya Heidelberger, baada ya kukataa viapo vyote vya uongo, (Maswali
ya 99-100), kimaelezo hurejea kwa Mathayo 5:34-36 na Yakobo 5:12 katika
maswali ya 101-102,
Swali: Yawezekana mtu mwadilifu kula kiapo kwa Jina la Mungu?
Jibu: Ndiyo, wakati mamlaka zinakihitaji kwa raia wake au wakati
(vinginevyo) ni muhimu ili kutunza na kuendeleza utukufu wa Mungu na kwa
wema wa jirani wa mtu. Kwa kuwa kula viapo kama hivyo huthibitishwa
katika Neno la Mungu, na hivyo kinatumiwa barabara na watakatifu katika
Agano la Kale.
Swali: Yawezekana mtu kuapa kwa watakatifu au kwa viumbe
wengine?
Jibu: Hapana, kwa kuwa kiapo cha kisheria ni rufaa kwa Mungu,
mchunguzi pekee wa Moyo, kuthibitisha ukweli na kuniadhibu, wakati
ninapoapa kwa uongo; hakuna kiumbe kistahilicho utii huo. 100
Ibara ya 22. 1-7 ya Ukiri wa Westminster, 1647 unahitimisha,
Kiapo cha kisheria ni sehemu ya ibada ya kidini, wakati kwa tukio
hilo, mtu aapaye kimsingi humwita Mungu kushuhudia kile alichokitamka au
kuahidi; na kumhukumu kwa mujibu wa ukweli au uongo wa kile alichoapa.
Jina la Mungu pekee ni lile ambalo kwalo watu hupaswa kuapa na
hivyo linapaswa kutumika kwa hofu takatifu na utii; kwa hiyo kuapa kwa
ubatili au kwa haraka haraka bila kufikiri kwa kutumia jina hilo lenye utukufu
na kuogofya, au kuapa kabisa kwa kitu kingine chochote, ni dhambi, na
yapaswa kuchukiwa. Hata hivyo, katika suala la uzito na muda, kiapo kina
waranti* ya Neno la Mungu, chini ya Agano Jipya vilevile na lile la Kale;
hivyo kiapo cha kisheria kinachowekwa na mamlaka ya kisheria, kwa mambo
hayo, chapaswa kufanywa. Yeyote alaye kiapo, anapaswa kikamilifu
kuthamini uzito wa tendo hilo muhimu, na hivyo kutotamka chochote bali kile
anachoshawishika kikamilifu kuwa ukweli. Wala mtu yeyote asijifunge yeye
mwenyewe kwa kiapo kwa kitu chochote bali lile lililo jema na la haki, na lile
analoamini kuwa hivyo, na lile awezalo kuamua kulifanya. Hata hivyo ni
dhambi kukataa kula kiapo kinachogusa jambo lolote lililo jema na la haki,
lililowekwa na mamlaka ya kisheria.
Kiapo kinapaswa kuchukuliwa katika hali ya kawaida na ya wazi kabisa ya
maneno, pasipo mashaka au kuficha jambo katika akili. Hatuwezi kula kiapo ili
kutenda dhambi; bali kwa kila jambo lisilo dhambi linalopaswa kuchukuliwa,
hutufunga ili tutende, ingawa kwa majeraha ya mtu mwenyewe; wala halipaswi
kuvunjwa hata kama limefanywa kwa wazushi au wapagani.
99 “The Articles of Religion”, The Common Book of Prayer (London: Marshall, Morgan & Scott, LTD 1956).
100 Reformieter Bund, ed. Der Heidelberger Kathechismus (Neukirchen, German: Buchhandlung des
Erziehungsbundes, 1934), kk. 56- 57.