Upendo ni Utimilifu wa Sheria Insha juu ya Maadili - Martin Bucer ...

16 Schirrmacher, Insha juu ya Maadili
Kant alisema kuwa upendo ni maamuzi ya dhamiri huru na hisia za ndani kabisa
na hata za kutojitambua. Luetgert analipinga hili, lakini anakubali kuwa upendo
ni kitu tusichoweza kukitengeneza:
Kwa hiyo upendo waweza tu kuamriwa na mtu ambaye anaweza
kuuamsha huu upendo. Upendo ni kitu cha kutolewa kwanza kabla
hakijaamriwa. Upendo ni kipawa kabla hakijawa jukumu. Unatolewa kabla
haujaamriwa. Unaweza tu kuwa na asili yake katika upendo, daima ni upendo
katika kurudisha. Kwa sababu hii waweza tu kuwa upendo wa Mwumba,
mwangi wa upendo wake. Kama ulivyo upendo wa Mwumba mwenyewe,
upendo huu utakuwa wa kibunifu. Kuhusu upendo, kanuni ya Augustine ni
halali: ‘Toa kile unachoamuru na kisha amuru chochote utakacho’. 9
Tunahitaji kuweka wazi asili ya upendo ili kuelewa mahusiano kati ya upendo na
Sheria.
1) Upendo ni Wajibu, kwa sababu tuna “wajibu [au deni, ] kupendana sisi kwa
sisi” (Rum. 13:8; 1 Yoh. 4:11).
2) Upendo ni utii. Kwa mujibu wa 1 Pet. 1:22 tunaji “takasa” nafsi zetu kwa
kutumia “utii” “kuufikilia upendano wa ndugu”. 10 Hata Yesu alionesha pendo
lake kwa Baba yake kwa kumtii: “…kama vile mimi nilivyozitii amri za Baba
yangu na kukaa katika pendo lake” (Yoh. 15:10).
3) Upendo ni tendo la mioyo na dhamiri zetu. Tunaambiwa kuwa na “nia moja
na …upendo” (Flp. 2:2), ambayo ni “nia hiyo hiyo…ambayo imo pia ndani ya
Kristo” (Flp. 2:5).
4) Upendo ni halisi, ni kitu cha kweli, kilichopo na cha vitendo, na ni tendo.
1Yohana 3:17-18 yasema: Ikiwa mtu ana mali za dunia hii, kisha amwona
ndugu yake ni mhitaji, lakini anamzuilia huruma zake, yawezekanaje upendo
wa Mungu kuwa ndani yake? Watoto wapendwa, tusipende kwa maneno au
kwa ulimi, bali kwa vitendo na katika kweli”. Yohana anaimarisha hili kwa
kielelezo cha Yesu. Upendo wa Yesu hauthibitishwi kwa hisia za ndani, maneno
mazuri au mipango mikubwa, bali kwa kielelezo alichokifanya kwa ajili yetu.
“Katika hili tumelifahamu pendo [la Mungu], Yesu Kristo aliutoa uhai wake
kwa ajili yetu” (1 Yoh. 3:16; ni sawa na Rum. 5:8; Yoh. 3:16; Efe. 5:25). Katika
Waefeso 5:25-33 mume anathibitisha pendo lake kwa mkewe kama Kristo
anavyothibitisha pendo lake kwa Kanisa kwa kuwa tayari kufa kwa ajili yake na
kwa kumlisha na kumtunza. Paulo anatuambia kwamba “katika Kristo Yesu”,
“nguvu” pekee “ni imani itendayo kazi kwa upendo” (Gal. 5:6). Katika Ufunuo
2:4-5 Kanisa la Efeso linaamriwa kurudia “upendo wa kwanza” ambao liliuacha:
“ukatubu, ukayafanye matendo ya kwanza”. Katika Ufunuo 2:19 Yesu anajua
“matendo yako na upendo na imani...yako”.
9 Rud
10 Tazama rejea hapo juu kuhusu ‘kaka na dada’