Upendo ni Utimilifu wa Sheria Insha juu ya Maadili - Martin Bucer ...

Din ni Nini? 63
DINI NI NINI? (1993)
Katika Hotuba Mlimani Yesu anasema, “Hakuna mtu awezaye kutumikia
mabwana wawili; kwa maana atamchukia huyu, na kumpenda huyu; ama
atashikamana na huyu, na kumdharau huyu. Hamwezi kumtumikia Mungu na
mali” (Mat. 6:24). Tafakuri makini inaonesha wazi kuwa Yesu anapinga zaidi
watu wanaoishi tu kwa ajili ya mali; anailinganisha na dini iliyo kinyume na
imani ya Kibiblia.
Kama angeona mali kuwa mungu pekee wa yule asiye Mkristo, anasema
kwamba twaweza kumwabudu Mungu mmoja tu, Mungu wa Biblia au uungu
‘mali’. Hata hivyo mali huwakilisha, sio uungu tu, bali pia fedha, utajiri na mtaji.
Katika masimulizi ya Luka, Yesu ameoanisha mali na fedha itumiwayo katika
biashara (Luka 16:9-10) kuonesha kuwa 'Dini ya Mali' yaweza kuchukua nafasi
ya imani katika Mungu wa Biblia. Hilo lawezekanaje? Imani kwa fedha haina
miungu, haina makuhani na haina mahekalu - hatuwezi kuona hayo japo kwa
uchache. Hata hivyo, ni dini isiyo na mungu, (‘A-theistic’ religion) dini ya ukana
uungu, dini ‘a’-pasipo ‘theos’-mungu. Je, Bwana analinganisha vitu
visivyolinganishwa? Je, ‘Mungu’ si suala la kidini na ‘Mali’ suala la kiuchumi?
Jibu linaonesha matokeo muhimu kwa kuwa linahusika na swali la ziada, “Dini
ni Nini?” Katika Biblia, dini sio wazo la kinadharia. Kwamba ni vuguvugu*,
aideolojia au mtindo wa maisha unaojichukulia wenyewe kuwa ni dini au sio
dini; si kitu muhimu, swali ni, amali zipi zilizo kamilifu (sio tu za kikanuni)
zinazoongoza maisha yetu hasa.
Jambo hili ni sawa pia katika imani ya Mungu wa Maandiko. Swali sio kwamba
mtu ‘anaamini’ kwamba Mungu yupo. Katika Maagano yote, wazo la ‘kuamini’
huonesha ‘kutumaini’, ‘kuwa na imani katika’, ‘kuchukulia kuwa ni enye
kutegemewa’. Ikiwa tunaamini katika Mungu, tunamchukulia Yesu kuwa
mwenye kutegemewa kikamilifu, tunachukua kwa umakini yote aliyoyasema na
kumfanya kama Mwumba na Mwokozi, na kuimarisha maisha yetu kwa
kulingana na uwezo wake na amri zake.
Vilevile dini ni kitu chochote kinachoshindana na imani ya Maandiko.
Ninategemea kitu gani kwa ukamilifu? Kipi kinachoyapa maisha yangu
umuhimu na maana? Kipi kinachotawala moyo wangu? Kipi ni mamlaka kamili
kwangu? Kipi ni kipimo changu? Kipi ninachopenda zaidi? Kipi ni msingi wa
matakwa yangu?
Kwa mwanga wa maswali haya, inakuwa wazi kuwa mali yaweza kushindana na
Mungu. Sio fedha yenyewe wala matumizi yake yanayotofautisha umungu mali,
bali “kupenda fedha” (2 Tim. 6:10). Fedha au tunavyomiliki kwa ujumla –