Upendo ni Utimilifu wa Sheria Insha juu ya Maadili - Martin Bucer ...

114 Schirrmacher, Insha juu ya Maadili
kumwonga. Hata shetani alipomwahidi mamlaka yote juu ya falme za dunia -
rushwa kuu iliyopata kutolewa – Yesu hakurubuniwa kwa matakwa ya mamlaka
wala utajiri, lakini alitii mapenzi ya Baba yake aliyeko mbinguni. Alijiweka
chini ya Mungu, si chini ya matakwa yake mwenyewe.
Hili laonesha kuwa Biblia huona rushwa, ufisadi na ukengeufu wa haki sio kitu
kidogo bali somo linalotawala. Dhamira* ya ufisadi inadhihirisha jinsi ambavyo
dhambi ndogo binafsi na dhambi ya jamii zinavyoweza kutengwa kila moja
kutoka kwa nyenzake. Ufisadi daima huhusisha mtego mzima wa mifumo ya
uovu, na iwezayo kuharibu jamii nzima, kwani viongozi toka nyanja zote za
jamii – kanisa, uchumi, serikali – wanamezwa nayo.
Mzizi wa neno la Kiebrania tunalolitafsiri kama ‘rushwa’ kihalisi humaanisha
uharibifu. Neno ‘ufisadi’ humaanisha ‘uharibifu’ au ‘uteketezaji’. Si kwa bahati
Biblia ya Kilatini hutumia neno ‘corruptio’ kwa dhambi ya asili. Kwa maana
Adamu na Hawa walidanganywa kwa matumaini ya mamlaka na ufahamu
(“Mtakuwa kama Mungu”) na wakaasi.
Yawezekana hakuna andiko jingine lielezealo vema jinsi ufisadi unavyotafuna
nyanja zote za maisha na kuharibu jamii tokea juu, kuliko mashtaka ya nabii
Mika: “Mtawala aomba zawadi, hakimu anatafuta rushwa, na mtu mkuu
anatamka matakwa yake maovu, hivyo wanapanga pamoja” (Mika 7:3). ‘Mkono
mmoja huosha mwingine’ hadi jamii inakamatwa katika mikono yenye nguvu ya
mtu mwovu ambaye mikono yake huota haraka pindi mtu aikatapo tu.
Unabii Zaidi Dhidi ya Ufisadi
Isaya 1:23, “Watawala wako ni waasi, na marafiki wa wezi; kila mmoja
hupenda rushwa, na hufuata zawadi. Hawawalindi wasio na baba, wala
mashtaka ya mjane hayafiki mbele zao.”
Isaya 5:23, “Wanaomhalalisha mwovu kwa rushwa, na kumwondolea mwenye
haki haki yake!”
Amosi 5:12, “Maana mimi najua wingi wa dhambi zenu, na ukubwa wa
dhambi zenu; mkiwaonea wenye haki [na] kuchukua rushwa; na
kuwageuza maskini mlangoni [wasipate haki].”
Mara tofauti kati ya ulaghai na ufisadi itakapokuwa imekwishaondolewa katika
taasisi zenye mamlaka, kanisa na watu wa Mungu hawawezi kukwepa kwa kuwa
wameonesha upendeleo na wameshindwa kuongea dhidi ya ufisadi na tamaa.
Mika anaonesha makosa ya viongozi wa Israeli, “Wakuu wake huhukumu ili
wapate rushwa, na makuhani wake hufundisha ili wapate malipo, na manabii
wake hubashili ili wapate fedha” (Mika 3:11).
Sio kwamba Agano la Kale au Jipya huzuia zawadi, wakati zisaidiapo au
ziwaleteapo wengine furaha. Maandiko pia yanatambua kihalisia kabisa
kwamba wakati mwingine zawadi ni muhimu kwa mafanikio ya lengo