Upendo ni Utimilifu wa Sheria Insha juu ya Maadili - Martin Bucer ...

Kuna Amali Kamilifu? 61
wa kufikirika, ambaye, kama adhabu, ni lazima asukume jiwe kuelekea juu ya
mlima, kwa kuwa linaviringika kurudi nyuma bondeni kabla ya kufikia lengo.
“Namwacha Sisofo akiwa chini ya mlima! Mzigo wake utaendelea kuwepo tena
na tena. Anatufundisha utii mkubwa ambao unakataa miungu, na anaendelea
kuviringisha jiwe kuelekea kileleni. Pia anaamini kwamba yote ni safi.
Ulimwengu huu, usiojua mabwana wowote, unaonekana kutokuwa usiozaa wala
kutokuwa usio na thamani kwake. Kila kipande cha jiwe, kila kipande cha
mlima huu wa milele, kwake yeye mwenyewe ni dunia nzima. Vita dhidi ya
kilele cha mlima yaweza kuujaza moyo wa mwanadamu. Ni lazima tumchukulie
Sisofo kama mtu mwenye furaha”. 77
Hivyo ni kusema, katika mtazamo wa Camus, Sisofo anaishi kwa chuki yake
dhidi ya miungu. Asiyeamini juu ya Mungu anapata maana ya maisha katika vita
dhidi ya dini. Hata hivyo, hiyo ni dini ambayo yenyewe huyapa maisha maana.
Hili huakisi hali yetu ya sasa. Ukataaji wa maadili ya Kikristo huibusha nafasi ya
mipango mipya ya kimaadili, ambayo hushamiri juu ya amali mpya ya maadili au
kurithi amali za Kikristo zilizopotoshwa, lakini kwa nguvu zinadai kutochukua
amali kamilifu kabisa. Kama hesabu iwezavyo kuwapo kwa kufikiria tu ukweli
usiothibitishwa, wa mlinganyo usiothibitishwa, “1+1=2” (ambao
wanamahesabu wanauita ‘axiom’-tamko linalokubalika bila kuthibitishwa),
ndivyo mtu awezavyo kufikiri kwa kutumia udhanifu. Mawazo yote yanahitaji
maamuzi ya kimaadili. Hivyo, kila mmoja ni Mwasisi juu ya vitu fulani, ama
sivyo angekuwa amehoji mawazo yake mwenyewe. Twaweza tu kuwa
wavumilivu juu ya mambo ambayo hayatii mashaka mambo yetu ya kimsingi
yenye kuheshimiwa. Kila mwanadamu, hata Mkristo, hufikiria amali isiyotiliwa
shaka, lakini ni mwenye uvumilivu mkubwa au mdogo juu ya mambo mengine.
Tunatofautiana tu kwenye amali kamilifu, sio kwenye ushikaji wetu wa mambo
hayo. Wakristo ambao wanashawishika kwa imani wanakataa kukubalina na
baadhi ya mambo tu, lakini kwa ukamilifu wanabadilika na ni wavumilivu kwa
mambo ya wengine – wakichukulia kwamba wanaiamini Biblia. Moja ya
mafundisho ya kimsingi ya udogma ya Maandiko ni kwamba Mungu aliumba
ulimwengu wenye aina mbalimbali na kwamba hataki mfanano wa aina moja.
Utaratibu wa ubunifu wa Mungu huruhusu uhuru mwingi kubadili maisha kwa
uhuru na kukuza mawazo mapya.
Baada ya muhadhara kwenye Chuo Kikuu cha Bremen, mwanatheolojia wa
kiliberali na aliye Mbudha alisisitiza kuwa nilikosea kwa kuanza kwa dhanio
kamilifu. Waliamini kwamba ninapaswa kuheshimu mafundisho ya dini zote
kama vitu vilivyo kweli katika mitazamo yao, kwa kuwa zote zina malengo
sawa.
77 Imetafsiriwa kutoka katika Albert Camus, Der Mythos con Sisyphos: Ein Versuch ueber das Absurde.
(Reinbek: 1959 1 ), uk. 101