Upendo ni Utimilifu wa Sheria Insha juu ya Maadili - Martin Bucer ...

118 Schirrmacher, Insha juu ya Maadili
20. Ponografia hupendekeza kwamba mtu ana uhuru usio na kikomo
kutosheleza matamanio yake ya kingono pasipo kumjali binadamu mwingine.
Ubakaji, 157 na matumizi yasiyofa ya kingono kwa watoto ni mifano ya mapenzi
ambayo hufanya matamanio yake kuwa kipimo chake cha maadili.
La mwisho, lakini si duni, uzoefu binafsi. Nilikuwa katika hatua ya kupaka rangi
nyeusi juu ya tangazo kubwa la kiponografia lililokuwa limetundikwa karibu na
nyumba yetu, ndipo niliposikia kundi la wanaume wenzangu likipuuza juhudi
zangu, likitoa maoni yenye kuudhi na kukirihisha zaidi. Hata hivyo,
waliponifikia, mwanamke mmoja katika kundi alipaza sauti. Aliona kitendo
changu kuwa cha ajabu, akitamani kuwa kungekuwa na watu zaidi wenye ujasiri
kama huo, na akanishukuru kwa mchango wangu wa kulinda haki za wanawake.
Marafiki zake wa kiume wenye kelele mara walinyamaza kimya…
Hoja hizi zaonekana kuwa za kimantiki na zenye ushawishi. Lakini hatuna budi
kuwa macho na dhana za Kikristo zinazojitokeza. 158 Zinashawishi akili, lakini
zinashawishi tu katika mazingira ya Kikristo.
Katika kabrasha juu ya ponografia lililochapwa na Worldwide Evangelical
Alliance (Ushirika wa Kiinjili Ulimwenguni), John H. Court amekusanya hoja
nyingi dhidi ya ponografia na anajadili uhusiano kati ya biashara na kuongezeka
kwa kiwango cha aina fulani ya uhalifu. 159 Pamoja na mada yake ndogo ‘Uhakiki
wa Kikristo’ haoneshi kwa uwazi kwamba nyingi ya hoja zake zinakubalika tu
katika msingi wa kanuni za Kikristo. Pia kwa sababu anashindwa kupendekeza
maelezo ambatano ya Kikristo na ya Kibiblia ili kuhukumu ponografia, msisitizo
mkuu wa mantiki yake unajishughulisha na matokeo yake, 160 ambayo kwa
hakika ni yenye kutia shaka. Lakini tungefikiria nini iwapo matokeo ya
ponografia yangekuwa yenye madhara kidogo? Wote, yaani mahakama na mimi,
katika hoja zangu ishirini, hudhani kwamba wasomaji wetu hushiriki kanuni za
Kikristo. Ikiwa tunakataa maadili ya Kikristo, kuna kosa gani kuwapuuza wazee
na wasiojiweza?
157 Rousas J. Rushdoony, “Images, Ikons, and Pinups”, Journal of Christian Reconstruction, Vol. 1, (Summer
1974), Symposium on Creation, kk. 141-144. Rushdoony anaona ponografia kama wito kwa ajili ya ubakaji.
Anadhihirsha wazi kuwa watetezi wa mfumo-jike pia wamefanya kosa hili. Kwa nini anatetea wazo la ruben
la kukaa uchi katika ukurasa wa 142 ni jambo siri (lililofichwa kwangu). Reiner Grödtel, op. cit, kk. 64-67,
kwa mfano, anadhihirisha kuwa mwanavuguvugu wa mfumo-jike – Alice Schwarzer pia anaamini
ponografia kuwa utangulizi wa ubakaji. Tazama pia Alice Schwarzer, PorNo: Opfer und Täter…, (Cologne:
Kiepenhauer and Witsch, 1994).
158 Tazama: J. N. D. Anderson, Morality, Law and Grace, (London: Tyndale Press, 1972), pp. 43 – 46.; and
Rousas J. Rushdoony, op. cit., kwa ajili ya hoja za Kikiristo dhidi ya ponografia. Edythe Draper, (Ed.,), The
Almanac of the Christian World, (Wheaton, III.: Tyndale House, 1990), kk. 793-799 hujmisha utetezi bora
kabisa wa upingaji wa pongrafia uliotolewa na National Coalition Against Pornography, vilevile mihadhara
ya taasisi za Marekani
159 John H. Court, Pornography: A Christian Critique, (Downers Grove, III.: Intervarsity Press and Exeter, G.
B.: Paternoster Press, 1980).
160 Tazama pia; Paepstlicher Rat für die sozialen Kommunikationsmittel, Pornography und Gewalt in den
Kommunikationsmedien, Arbeitshilfen 71, (Bonn: Sekretariat der Deutschen Bischofskonferenz, 1989).
Juzuu hii inatoa hoja zake kwa misingi ya sheria ya asili.. Katika ukurasa wa 12, kipengele (note 5),
waandishi wanaorodhesha mambo mazuri ya taasisi za kiserikali za Italia na Marekani ambayo
yanawasilisha uthibitisho wa athari onevuza ponografia katika vuymbo vya habari.