Upendo ni Utimilifu wa Sheria Insha juu ya Maadili - Martin Bucer ...

26 Schirrmacher, Insha juu ya Maadili
Kwamba katika serikali za Kikomunisti uzalishaji na thamani ya
mazao daima viliendelea kushuka, muda na usimamizi mbaya wa Serikali si
sababu ya kudumaa. Sababu kubwa ni maadili ya mwajiriwa, kama ilivyo,
maadili ya kazi ni mwangwi wa dini isiyo na Mungu. Ikiwa kazi nzito
inaonekana kama unyonyaji, ni jinsi gani Umaksi utawaeleza wafanyakazi
kwamba jambo hili ni tofauti iwapo mwajiri ni Serikali ya Kimaksi?
‘Ubepari usio na Mungu’ kama niuitavyo ubepari ambao unakataa Sheria za
Mungu na hivyo kuwa dini ya Fedha – haraka hufikia hali sawa na Umaksi,
Ubudha na dini nyingine. Watu wengi katika jamii ya kimagharibi wana lengo la
kuwa matajiri katika maana ya kuwa huru mbali na kazi. Iwapo matokeo ya tabia
hii inayokua hayawezi kuonwa mara moja, basi sababu ni kwamba maadili ya
kazi ya Kiprotestanti ya Kibiblia bado yanafanya kazi katika maeneo mengi,
ingawa msingi wake umekwishapotezwa. Rais, Kansela au Waziri Mkuu bado
anatarajiwa kufanya kazi zaidi kuliko raia wa kawaida. Asingepata kura iwapo
angefanya kazi kama wafalme wa Ukamilifu* na wa Zama za Mwako* ambao
kwa muda mwingi walijihusisha na sherehe na starehe. (Ni mfalme mmoja tu wa
Ufaransa aliyewapokea wanadiplomasia akiwa maliwatoni!)
Kwamba mamlaka zaidi hutuongoza kwenye kazi zaidi, ni kanuni pekee ya
Kikristo kwa sababu kila mamlaka hutoka kwa Mungu, ambaye ni mfano
usioshindwa kwa kila mmoja aliye katika mamlaka, kwamba mamlaka
humaanisha kazi kwa ajili ya mema ya wengine. Wazazi wana mamlaka juu ya
watoto wao. Je, hili linawaokoa dhidi ya kazi? Hapana, linawafanya watende
kazi na inagharimu usingizi wao zaidi: Ole wao wazazi wapendao mamlaka
lakini wanakataa majukumu yake! Mungu pekee ndiye agawaye mamlaka na
majukumu ya kufanya kazi!
Kwa ujumla, jambo hili ni kweli kuhusu kazi. Wajibu wa wanadamu kuitiisha
dunia (Mwa. 1:26-30) ilikuwa ni amri ya kufanya kazi. Bustani ya Edeni
haikuwa nchi ya Cockaigne, hakuna paradiso ya mjinga kama ilivyo paradiso ya
Umaksi au Uislamu. Katika Uislamu mtu hakufanya kazi alipokuwa Paradiso,
kazi yake haikutokana na laana na hatakuwa akitumika huko Mbinguni. 25
“BWANA Mungu akamtwaa huyo mtu, akamweka katika bustani ya Edeni,
ailime na kuitunza” (Mwa. 2:15). (Hapa Mungu anataja sehemu mbili za kila
kazi, ambazo ni badiliko na endelezo, tengenezo na utunzaji. Daima Uyumanisti
husisistiza kimojawapo ama kingine, Biblia huviweka vyote pamoja). Kabla ya
Anguko, twaona aina mbalimbali za kazi Adamu na Hawa walizopaswa
kuzifanya. Walipaswa kumwagilia na kuotesha mimea (Mwa. 2:5), walipaswa
kujipatia dhahabu na mawe ya thamani (Mwa. 2:10-13), walipaswa kujipatia
chakula chao (Mwa. 2:9) na walipaswa kuwapatia wanyama wote majina (Mwa.
2:19-20). Adamu alikuwa mwanasayansi mbaolojia wa kwanza. Ni ajabu kuwa
habari ya Uumbaji yasema kwamba Mungu alimpa Adamu haki ya kuwapatia
25 Tazama Monika Tworuschka. “Islam”. kk. 64-84 in: Michael Kloecker, Udo Tworuschka (ed.) Ethik der
Religionen – Lehre und Leben: vol 2: Arbeit. op. ct., kk. 67+69