Upendo ni Utimilifu wa Sheria Insha juu ya Maadili - Martin Bucer ...

10 Schirrmacher, Insha juu ya Maadili
kimakosa na kulikataa Agano la Kale. Hili laweza kuonekana vema hususani
katika Mk. 7:1-5 (Mt. 15:1-13). Kwa mfano, hapa Yesu anasema: “Kwa
kuziweka kando amri za Mungu, mnashika mapokeo ya wanadamu...Mnayo
njia nzuri ya kuweka kando amri za Mungu ili mpate kushika mapokeo yenu
wenyewe” (Mk. 7:8-9). Katika ‘Ole’ kwa Mafarisayo na waandishi katika Mat.
23 kitambo tu kabla ya unabii wake wa kuharibiwa kwa Yerusalemu katika Mat.
24, Yesu alitangaza: “Ole wenu waandishi na Mafarisayo wanafiki! Kwa kuwa
mnalipa zaka za mnanaa na bizari na jira, lakini mmeacha mambo makuu ya
sheria, yaani, adili, na rehema, na imani; hayo imewapasa kuyafanya, wala yale
mengine msiyaache” (Mat. 23:23).
2. Jambo lilelile linaweza kupatikana katika Hotuba Mlimani. Orodha ya
masomo kila moja ikianza na “Mmesikia watu wa kale walivyoambiwa…Bali
mimi nawaambieni…” (Mat. 5:21- 48) inatambulishwa na tamko la wazi
kwamba Yesu alikuja kutimiza Sheria: “Msidhani ya kuwa nalikuja kuitangua
torati au manabii, la, sikuja kutangua bali kutimiliza” (Mat. 5:17). Alikuja
kuimarisha hata “hizi zilizo ndogo” (Mat. 5:19, soma Mat. 5:17-20). Je,
yawezekana kwamba Yesu alianza orodha hii kwa tamko hili na aliendelea
kuthibitisha sehemu za Sheria ambazo angezitangua au kuzibadilisha? Je,
hatutarajii kwamba sasa Yesu anathibitisha kwa kina kuwa hata amri ndogo ni
lazima zitimizwe? Je, hatutarajii mifano ya haki ya kimakosa iliyofundishwa na
Mafarisayo na haki ya kweli ya Yesu?
3. Mifano yenyewe huthibitisha kwamba matarajio yetu ni sahihi. Maneno
yaliyorudiwa “Bali mimi nawaambieni” katika Hotuba Mlimani hayaelekezwi
kinyume na Agano la Kale bali kinyume na theolojia ya Mafarisayo na fasili yao
ya Agano la Kale. Wakati Yesu anukuupo “Mmesikia watu wa kale
walivyoambiwa…’, hanukuu Agano la Kale bali mapokeo ya Mafarisayo na
fasili yao ya Agano la Kale. Hasemi “Imeandikwa…” kwa sababu kile
kilichoandikwa ni sawa na “Bali mimi nawaambieni…”.
Wakati Yesu awaambiapo wasikilizaji wake “Lakini mimi nawaambia; kila
mtu atazamaye mwanamke kwa kumtamani, amekwisha kuzini naye moyoni
mwake” (Mat. 5:28), haundi jambo jipya la dhambi ya ndani kinyume na uzoeshi
wa nje wa Agano la Kale, bali anawakumbusha wasikilizaji wake kwamba Amri
Kumi hazijumuishi tu amri ya saba iliyo kinyume na uzinzi, bali pia amri ya kumi
“Usimtamani mke wa jirani yako…” (Kut. 20:17; Kumb. 5:21). Vishada katika
nguo vilikuwa na makusudi kwamba “kuyakumbuka maagizo yote ya BWANA,
na kuyafanya; tena kwamba msiende kutanga-tanga kuandama mioyo yenu
wenyewe, na macho yenu wenyewe” (Hes. 15:39). Ayubu asema “Nilifanya
agano na macho yangu, kutomwangalia msichana kwa tamaa” (Mith. 31:1).
Na Sulemani anatuonya juu ya uzinzi kwa maneno: “Usiutamani uzuri wake
moyoni mwako; wala usikubali akunase kwa kope za macho yake” (Mit. 6:25).