Upendo ni Utimilifu wa Sheria Insha juu ya Maadili - Martin Bucer ...

30 Schirrmacher, Insha juu ya Maadili
Umaksi una tatizo lenye kufanana na ubepari usioamini juu ya Mungu. Vyote
vinatoa wito kwa ajili ya haki ya kazi, lakini havina sheria ya kudhibiti haki hiyo.
Wakati Marx hakubali haki yoyote kuwekwa katika sheria, marafiki zake wa
kibepari wanajaribu kuweka mitazamo yao katika sheria. Lakini dini ya mali
yaweza kutambua haki katika hali ya fedha tu. Haki daima humaanisha kupata
fedha zaidi kwa kufanya kazi kidogo zaidi. Wanasahau kwamba kazi yaweza
kuwa haki tu iwapo inarekebisha kila eneo la maisha, na sio mambo ya kifedha
tu.
Kazi ya Mungu ni Kazi kwa Ajili ya Mungu
Iwapo Mungu Mtatu asingefanya kazi kwa ajili yetu, tusingeweza kufanya kazi
kabisa. Ingawa mwanadamu aliumbwa ili afanye kazi na sio kuwa mvivu, amri
ya kufanya kazi ni sehemu tu ya amri ya kumtumikia. Katika Biblia, daima kazi
ya mtu ina mipaka. Kinyume na thamani yake, kamwe kazi si jukumu la kwanza
bali ni la pili daima. Kamwe kazi yenyewe si mwisho! Ni mtazamo wa kipekee wa
Kikristo kujumuisha tukuzo la juu kabisa la kazi kama kitu kisichofaa ikiwa
haifanyiki katika sura ya Mungu, katika mipaka ya kazi, ili kwamba mtu
asimezwe kamwe na kazi, bali aiweke kazi chini ya Mungu na ya utawala wake.
Ni hadi uonapo pande zote mbili kwa wakati mmoja ndipo waweza kuelewa
matokeo yatendayo kazi ya maadili ya kazi ya Kikristo.
Hii ni maana ya Sabato. Sabato humkumbusha mwanadamu kwamba aweza
kufanya kazi katika “siku sita za kazi” (Eze. 46:1) kwa sababu Mwumba wake
afanya kazi kwa ajili yake na amempa yeye uumbaji kwa matumizi yake. Pia
Mungu ajua kwamba kufanya kazi mchana na usiku pasipo hadhari si jambo
jema kwa mwanadamu.
Tumekwishajadili dini mbalimbali zenye mtazamo duni dhidi ya kufanya kazi
sana. Lakini pia kuna dini zenye mtazamo wa kazi ulio juu sana unaokosa
marekebisho ya maadili ya kazi kwa siku nzima pasipo pumziko. Umoja wa
Wanasheria wa Kijapani wasema kwamba katika Japani, watu 10,000 hufa kila
mwaka kwa kufanya kazi zaidi ya kawaida. 40 ‘Kifo kwa kufanya kazi zaidi’ ni
jambo lenye kukubaliwa na Waziri wa Kazi wa Japani kuwa chanzo maalum cha
kifo. Kuna neno maalum kwa kifo kitokanacho na kufanya kazi zaidi katika
lugha ya Kijapani, ‘karoshi’. Kifo kutokana na kufanya kazi zaidi inasemwa
kuwa tokeo la kazi za saa za ziada na ukosefu wa nyakati za maburudiko. Mara
nyingi “nyumbani panakuwa mahali pa kupatia usingizi tu” 41
Siku ya saba isiyo ya kazi huwakumbusha wanadamu kwamba pasipo Mungu
wasingeweza kufanya kazi kabisa. “BWANA asipoijenga nyumba waijengao
wafanya kazi bure. BWANA asipoulinda mji yeye aulindaye akesha bure. Kazi
yenu ni bure, mnaoamka mapema, na kukawia kwenda kulala, na kula chakula
40 D. P. “Zu Tode gearbeitet”. Der Kassenarzt No. 12/1991, uk. 32
41 Rud