Upendo ni Utimilifu wa Sheria Insha juu ya Maadili - Martin Bucer ...

64 Schirrmacher, Insha juu ya Maadili
huongoza maisha yetu. Njia kuelekea kwenye utajiri hutuelekeza kwenye dini
hii. Utajiri huongeza kila kitu – maadili, mahusiano yetu na watu wengine,
maisha ya kila siku. Matumaini ya kila mmoja, pia maana ya maisha yake
hujikita katika fedha. Haijali kwa kweli ni kiasi gani mtu anamiliki – maskini
kwa kawaida ni washiriki wa ajabu wa imani hii.
Sasa tumeshaona kwamba katika Biblia imani haihitaji kuwa na miungu,
makuhani, mahekalu au huduma, na hata kujiita yenyewe dini, ili iwe hivyo.
Umungu mali ni dini ya kizushi isiyoonekana kwa urahisi ambayo yaonekana
kama mtindo wa maisha wa kawaida, mwelekeo kwa mambo ya kiuchumi, na
jambo binafsi. Ukweli ni kwamba ni dini iliyojificha, kama ambavyo wakati
mmoja Carl Bry alivyosema, ni dini ambayo inafundisha kwamba Kiumbe
kisicho hai, kanuni au aideolojia isiyoamini Mungu yaweza kuchukua nafasi ya
Mungu wa Biblia katika mioyo yetu. 78
Katika Biblia, kifungu kinachoeleza kwa kina jambo hili ni sura ya kwanza ya
Warumi. Paulo anaeleza kwa nini kuna hukumu ambayo sisi sote twapaswa
kuokolewa kwayo na kwa nini wote, pasipo udhuru, tunawajibika. Anaanza,
“Kwa maana ghadhabu ya Mungu imedhihirishwa kutoka mbinguni juu ya uasi
wote na uovu wa wanadamu waipingao kweli kwa uongo” (Rum. 1:18). Hasira
ya Mungu inaelekezwa kwa 1. mtu kukosa uhusiano na Yeye, Imani isiyo na
Mungu (Atheism/ukosa-Mungu) na 2. mtu kukosa uhusiano na mwenzake,
ukosa – haki. Mitazamo hii miwili ya dhambi inashabihiana na Amri Kumi,
ambazo kwanza zinashughulika na uhusiano wa mtu na Mungu na kisha
uhusiano wake na binadamu mwenzake. Binadamu aliye tayari chini ya
ghadhabu ya Mungu, sio katika Hukumu ya Mwisho, anapinga kweli kwa uovu.
Ni ukweli upi Paulo aumaanishao? “…kwa kuwa mambo ya Mungu
yanayojulikana yamekuwa dhahiri ndani yao, kwa maana Mungu
aliwadhihirishia” (Rum. 1:19). Ukweli hutegemea ukweli kuwa jambo fulani
kuhusu Mungu laweza kujulikana.
Lakini hilo lapaswa kueleweka vipi? Ina maana gani kwamba kila mmoja aweza
kutambua juu ya Mungu? Biblia hufundisha kwamba Mungu haonekani, sivyo?
Paulo alilijua hili, na anaendelea, “Kwa sababu mambo yake yasiyoonekana
tangu kuumbwa ulimwengu yanaonekana, na kufahamika kwa kazi zake, yaani,
uweza wake wa milele na Uungu wake” (Rum 1:20). Paulo hamaanishi kwamba
Mungu anaonekana katika umbo dhahiri, lakini bado kuna kitu tuwezacho kujua
juu yake. Tangu uumbaji, Mwanadamu aweza kuona na kujua (Neno la Kigriki
huzungumzia juu ya ‘kufikiri’) kwamba nafsi ya Mungu yenye nguvu zote zisizo
kifani ni lazima iko nyuma ya Uumbaji. Kama usemi huu ulivyo: “Hakuna
kiwacho kutoka pasipo kitu”. Ulimwengu huu wa ajabu, ulio chini ya Wakati na
Nafasi kama ulivyo, ni lazima uwe na mwanzo. Fizikia hudhihirisha kwamba
78 Carl Christian Bry. Verkappte Religionen: Kritik des Kollektiven Wahns. Ehrenwirth: Muenchen, 1979
(toleo-rudufu 1924)