Upendo ni Utimilifu wa Sheria Insha juu ya Maadili - Martin Bucer ...

98 Schirrmacher, Insha juu ya Maadili
yake katika Ukristo. Ukomeshwaji wa utumwa na mateso, kanuni ya usawa
mbele ya sheria, haki ya kupumzika na kuburudika kama zinayoonekana katika
Sabato au pumziko la Jumapili – zinatokana na mapokeo ya Kikristo na wala si
bahati au serikali ambazo zinakubali haki hizi na kuzitia nanga (kuziweka kuwa
sehemu) katika katiba zao nyingi kwa wingi katika nchi za Kikristo. Hata Karl
Marx alikubali hili, kwa sababu alipinga haki za binadamu kwa kuwa ni zao la
Ukristo (kwa mfano, Kazi za Marx na Engels, Kitabu cha 1 = Marx and Engels
Works, Vol. 1).
Hakuna serikali wala hakuna mfumo wa kisheria uwezao kuendelea kuwepo
pasipo uchache wa amali za kawaida, na kwa umuhimu kabisa amali zilizokitwa
katika vitu visivyoonekana. Mfumo wa kisheria hukubali mfumo wa amali, kwa
kuwa sheria huchukuliwa kutoka katika viwango vya maadili vilivyotangulia
kuwepo na nje yake yenyewe.
Hakikisho la utu wa binadamu huona kwamba Binadamu ni zaidi ya kile
anachokielewa juu yake mwenyewe. Hawezi kueleweka kwa njia na nyenzo za
sayansi asilia. Yeye yu wazi kwa vitu visivyoonekana. Serikali ya kisiasa, yenye
mfumo wa kisheria, hutegemea mahitaji ambayo yenyewe haiwezi kudhamini.
Mwako au Msamaha na Toba?
Kwa mujibu wa falsafa za Mwako katika karne ya kumi na nane, ambazo
zilijaribu kuanzisha haki za binadamu pasipo Mungu na kinyume cha Kanisa;
Mema yote, ukijumuisha haki za binadamu zingeweza kuchotwa kutoka katika
Asili* na kutoka katika Fikra*. Utambulishi wa Rousseau wa ‘Fikra’ na ‘Asili’ ni
wa kipekee katika mawazo ya Mwako. Hata hivyo, jaribio la kuziweka haki za
binadamu katika Asili zimeshindwa kwa kuwa hakuna mtu yeyote awezaye
kukubaliana juu ya maana ya ‘Asili’ au juu ya jinsi sheria zake zinavyoweza
kuvumbuliwa. Wolfgang Schild, profesa wa sheria ya jinai anaaandika, “Mwako
hauwezi na haupaswi kuwa neno la mwisho, neno letu la mwisho. Ufikra na
utendaji wake ni lazima uchukuliwe katika mipaka yake, kama sivyo maisha ya
kijamii yenye thamani ya utu wa Binadamu hayawezekani. Tena, hata sheria ya
adhabu kipekee haiwezi kujizuia yenyewe kwa njia ya fikra ili kupata amani na
utaratibu kwa gharama yoyote ile: inahitaji utambuzi wa utu wa binadamu - hata
wa mtu aliyetenda kosa baya kabisa la jinai – kama msingi wake na mpaka
wake”.
Mawazo kwamba binadamu angeweza kuboreshwa kwa elimu, na kwamba
magonjwa ya binadamu yangeweza kutatuliwa kwa Mwako, ni tatizo la kimsingi
la falsafa ya Kigriki, ya Uyumanisti na ya Mwako. Njozi za Uyumanisti katika
elimu hudai uwepo wake kwenye wazo kuwa maadili yangeweza kukuzwa
kupitia elimu, kwa kuwa unadhani kwamba mtu hufanya makosa tu kwa sababu
yeye ni mjinga au kwa sababu hufikiri kimakosa, sio kwa sababu dhamiri yake ni
yenye uovu na kwa sababu yeye hawezi kufanya jema kwa nguvu zake