Upendo ni Utimilifu wa Sheria Insha juu ya Maadili - Martin Bucer ...

14 Schirrmacher, Insha juu ya Maadili
Kiini cha habari ya Msamaria mwema pia ni Law. 19:18. Hapa Yesu anamwuliza
Mwanasheria aliyetaka kujua jinsi ya “kurithi uzima wa milele” (Lk. 10:25):
“Imeandikwa nini katika torati? Wasomaje?” (Lk. 10:26). Mwanasheria akajibu
tena kwa kutumia amri mbili za upendo (Lk. 10:27). Na Yesu anathibitisha hili
kwa maneno “Fanya hivi nawe utaishi” (Lk. 10:28). Ndipo sasa Yesu
anasimulia habari ya Msamaria Mwema, kwa sababu Mwanasheria alitaka kutoa
udhuru kwa kutumia maana yake ya neno “jirani”. Pasipo kutarajia, baada ya
habari Yesu haulizi ‘Nani aliyekuwa jirani’, ambalo lingetuongoza kwenye jibu
‘yule aliyeangukia katika mikono ya wanyang’anyi’, bali kwa kinyume anauliza:
Waonaje wewe, katika hao watatu, ni yupi aliyekuwa jirani yake…” (Lk. 10:36).
Mwanasheria alikiri kwamba yule aliyeonesha huruma ndiye aliyekuwa jirani,
na Yesu akamwambia: “Enenda zako, nawe ukafanye vivyo hivyo” (Lk. 10:37).
Kupenda ni amri kuu katika Sheria ya Agano la Kale. Hakuna amri inayoweza
kueleweka mbali na upendo. Na upendo hauwezi kueleweka mbali na Sheria.
Paulo alifuata mfano wa Agano la Kale na wa Bwana wake Yesu Kristo. Baada
ya kutaja matendo ya mwili (Gal. 5:19-21), anaongea juu ya upendo kama tunda
la Roho:”Lakini tunda la Roho ni upendo, furaha, amani, uvumilivu, utu wema,
fadhili, uaminifu, upole, kiasi” (Gal. 5:22-23). Lakini kwa nini Paulo anaongeza
“juu ya mambo kama hayo hakuna sheria” (Gal. 5:23)? Kwa sababu ikiwa
utaonesha upendo, kamwe hutavunja amri yoyote. Sheria ni kanuni ya upendo.
Kupenda na kufanya kinyume cha Sheria ni jambo lenye kujichanganya lenyewe,
na haliwezekani kimaelezo! Hiki ndicho atakacho kukisema Paulo na
kinaimarishwa na nukuu yake ya Law. 19:18 katika mistari ya awali: “Maana
ninyi, ndugu, 6 mliitwa mpate uhuru; lakini uhuru wenu usiwe sababu ya
kuufuata mwili, bali tumikianeni kwa upendo. Maana torati yote imekamilika
katika neno moja, nalo ni hili, ‘Umpende jirani yako kama nafsi yako’” (Gal.
5:13-14). Uhuru wa Mkristo si uhuru wa kuikosea sheria bali uhuru wa kupenda
na kuelekeza upendo katika mtindo wa kushangaza.
Tamko la wazi la ujumbe huu laweza kupatikana katika Rum. 13:8-10:
“Msiwiwe na mtu chochote, isipokuwa kupendana; kwa maana ampendaye
mwenzake ameitimiza sheria. Maana kule kusema, Usizini, Usiue, Usiibe,
Usitamani; na ikiwapo amri nyingine yoyote, inakamilishwa katika neno hili, ya
kwamba, Mpende jirani yako kama nafsi yako. Pendo halimfanyii jirani neno
baya; basi pendo ndilo utimilifu wa sheria”. Paulo ananukuu Amri Kumi kwa
kifupi, lakini anaongeza kwamba anazungumzia juu ya “kila amri”.
Kila amri inaongozwa kwa upendo, huja kutokana na roho ya upendo na husema
tu kile ambacho upendo utafanya. Mtu ambaye kwa kweli hupenda, kamwe
6 Katika lugha nyingi wingi wa ‘kaka’ au wa ‘dada’ hutumika kujumuisha pamoja watoto wote wa kike na wa
kiume wa mzazi mmoja. Kwa Kijerumani wingi wa zamani wa ‘dada’, ‘Geschwister’ ni jina kwa kaka na
dada. Kwa kawaida wingi wa ‘adelphos’ (‘kaka’), ‘adelphoi’ (‘kaka’ au ‘kaka na dada’) hutumika kuongea
juu ya kaka na dada kwa wakati mmoja. Hakuna neno jingine kudokeza kaka na dada kwa pamoja. (Wingi wa
dada ‘adelphai’ ni kwa wa-dada tu.