Upendo ni Utimilifu wa Sheria Insha juu ya Maadili - Martin Bucer ...

Hoja Ishirini Dhidi ya Ponografia 119
Hoja za kibiblia dhidi ya ponografia zaweza kuchukuliwa kutoka katika vifungu
vizungumzavyo juu ya utupu, na kutoka katika amri dhidi ya tamaa ya macho.
“Kila mtu amtazamaye mwanamke kwa kumtamani, amekwisha kuzini naye
moyoni mwake” (Mt. 5:28). Amri ya Yesu ina asili katika Amri kumi,
“Usitamani mke wa jirani yako” (Kut. 20:17). Ayubu 31:1 yasema, “Nilifanya
agano na macho yangu, kutomwangalia msichana kwa tamaa”. Hesabu
15:39 inawakumbuka Israeli kukumbuka sheria, “…kwamba msiufuate ukahaba
ambao kwao mioyo yenu na macho yenu yamejielekeza”, Mithali 6:25 huonya
dhidi ya ukahaba, “Usiutumaini uzuri wake moyoni mwako; wala usikubali
akunase kwa kope za macho yake.” Tafsiri iliyo sahihi zaidi yaweza kusomeka,
“kwamba asijaribu kuuweka uzuri wake ndani ya moyo wako”. 161 Kwa hiyo
mtu, kumtamani mwanamke mwingine kingono zaidi ya mke wake mwenyewe
ni wizi. Hivyo, katika asili yake Amri ya Kumi ilimaanisha, mtu kumtamani
mwanamke mwingine ni kuiba kutoka kwa jirani yake 162 na kutoka katika ndoa
yake. Ponografia ambayo hutulazimisha kutamani wanawake kimakosa,
hutufanya tutende aina mbaya kabisa ya uporaji.
Kama ilivyo hukumu ya Mungu, kwa mwanamke, uwekaji wazi wazi wa mwili
wake mwenyewe mbele ya wapenzi wake mara nyingi huongoza katika
kumdharau (kama ilivyo katika Maombolezo 1:8). Hivyo, uhuru wa kimapenzi
huongoza kwenye dharau, lakini pia kwenye kukosa uwezo wa kufurahia ngono
katika usiri. Kitabu juu ya magonjwa ya moyo kinapendekeza:
“Mapenzi hayajaliwi tena kama tendo asilia linalojiendesha, utayari
wa huba baina ya wapendanao unaoongozwa na hisia zao, bali kama
‘mafanikio’ yanayowasilishwa katika sinema za ngono na magazeti ya
kiponografia kama jambo la desturi. Wengine hulileta tumaini hili katika
maisha yao binafsi, ambavyo yaweza vema kuwa sababu ya kimaamuzi kwa
mgandamizo wa wagonjwa wengi wa moyo kwamba hawawezi tena kufikia
hiyo desturi ambayo, kusema kweli, ni uondoaji wa hisia na udunishi wa
upendo.” 163
161 Imetafsiriwa kutoka katika Kijerumani cha Klaus Berger, Die Gesetzesauslegung Jesu, Part 1: Markus and
Paralellen, Wissenschaftliche Monographic zum Alten und Neuen Testament 40, (Neukirchen, Germany:
Neukirchener Verlag, 1972), uk. 345.
162 Rud., kk. 343 – 345
163 Karl M. Kirch. Krankheiten von Herz und Kreislauf, (Cologne – Braunsfeld: Rudolf Müller, 1977), uk. 83.