Upendo ni Utimilifu wa Sheria Insha juu ya Maadili - Martin Bucer ...

28 Schirrmacher, Insha juu ya Maadili
(mfano, Amosi 6:3-6)”. 28 Waweza kuwa tajiri lakini waweza usiwe mzembe. Ni
mapenzi ya Mungu na ametupatia sisi Uumbaji kwa lengo hili.
Mtu asiye na ajira aweza kufanya nini? Kazi! Ingawa hatutaki kulishusha chini
tatizo la ukosefu wa ajira, mtu asiye na ajira aweza kufanya kazi mbalimbali
pasipo ujira. Aweza kusaidia familia yake, wenye mahitaji au kanisa lake. Uvivu
au kuwalaumu wengine sio jawabu la ukosefu wa ajira.
Umaksi unasemaje juu ya ajira? Hakuna. Kwa Marx, katika ubepari ujira
wowote si wa haki lakini hakuna aliye na haki kubadili hili. Tofauti baina ya
matengenezo ya kijamii ya kikristo na mapinduzi pekee ya kimaksi inakuwa
wazi katika makala ya Marx “Uhakiki wa Azimio la Gotha” [(Critique of the
Declaration of Gotha) (“Kritik des Gothaer Programm”)] iliyoandikwa wakati
alipokuwa mzee na akitoa rai juu ya jukwaa la Chama cha Kijamaa cha
Kidemokrasia cha Ujerumani (Social Democratic Party of Germany). Takwa la
Chama hiki cha kijamaa “kwamba pato lote la kazi linapaswa kuwa, kwa mujibu
wa haki sawa kwa kila mmoja, kwa mujibu wa hitaji lake wakati kila mmoja
analo jukumu la kufanya kazi” 29 – ndani yake lenyewe limeja mambo yenye
kukanganya – linakataliwa kabisa na Marx kwa sababu bado limejengwa juu ya
wazo la sheria na haki. Marx anaandika: “Ni haki ya ukosa-usawa* kuhusu
yaliyomo kama haki yote ilivyo”. 30 Anaendelea: “Kikanuni, hapa haki sawa
bado inabaki kuwa haki ya mtu wa tabaka la kati…” 31 Hii haiwezi kukubalika
kwa sababu bado “kimyakimya inakubali tofauti ya vipawa vya mtu binafsi, na
hivyo basi tofauti ya uwezo wa wafanyakazi kama mapendeleo ya asili”. 32
Marx alisoma sheria katika Chuo Kikuu cha Bonn hivyo alijua kile alichokuwa
akiongea. Hakutaka kubadili misimamo yoyote ya kisheria bali kusubiri unabii
wake kuwa kweli. Unabii wote ulihitimisha kuwa jamii ya Kikomunisti haitaleta
matokeo ya haraka:
“Lakini machungu haya hayaepukiki katika hatua ya mwanzo ya
jamii ya Kikomunisti kama ilivyojitokeza kwa jamii ya kibepari baada ya
muda mrefu wa maumivu ya kufanya kazi” 33
(Kwa Kijerumani, hapa Marx anazungumza katika unabii mkamilifu, kama
manabii wa Agano la Kale walivyofanya!) Engels anasema hili tena wazi zaidi:
“Tunafanya kila jaribio kuweka wazi kwa mwanasheria – mkorofi,
kwamba Marx hakudai kamwe ‘haki kwa mazao yote ya kazi’ na kwamba
kamwe hakuweka bayana takwa lolote la kisheria la namna yoyote katika
maandiko yake yoyote ya kinadharia”. 34
28 Alan Richrdson. Die biblische Lehre von der Arbeit. op. cit. uk. 16
29 Ursula Schulz (ed.). Die deutsche Arbeiterbewegung 1848 – 1919 in Augenzeugenberichten. dtv: Munich,
1981 3 .uk. 200
30 Karl Marx. Friedrich Engels. Werke 42 vol. Dietz Verlag: Berlin. 1956ff. vol. 19. uk. 20
31 Rud.
32 Rud., uk. 21
33 Rud
34 Rud. Vol. 21. uk. 501