Upendo ni Utimilifu wa Sheria Insha juu ya Maadili - Martin Bucer ...

42 Schirrmacher, Insha juu ya Maadili
Mungu pekee iwezayo kuamua ni kwa makosa gani adhabu ya kifo ni muhimu na
inawezekana.
22. Hakuna mashaka kwamba Sheria ya Agano la Kale inajitanua sio tu kwa
mfalme wa Israeli, bali pia kwa wafalme wote wa dunia hii. Utawala wa Mungu
humaanisha kwamba katika nafasi ya kwanza, tawala zote katika utendaji rasmi
zinafungwa na neno la Mungu; pili, inamaanisha uhakikisho kwamba ni kazi ya
Kanisa kuamua vitendo vya watawala kwa mujibu wa neno la Mungu na kuzisihi
kinabii tawala hizo. ‘Utawala wa Mungu’ haupaswi kuchanganywa na ‘Utawala
wa Makuhani’. Mungu aweza kuwaongoza watu na Serikali yao moja kwa moja
na kwa kutumia Sheria yake pasipo umuhimu wa kwamba Taasisi ya Kanisa
itawale au iongoze Serikali. Mgawanyo wa kibiblia kati ya Kanisa na Serikali si
lazima uongoze kwenye mgawanyiko kati ya Mungu na Serikali na kati ya Sheria
ya Mungu na Serikali.
23. Katika Agano la Kale, viwango tofauti katika sheria fulani (kutoka katika
kanuni ya jumla hadi mfano dhahiri au sheria ya tukio) vyaweza kutofautishwa
kwa 1) Kanuni ya Msingi, 2) Sheria ya Msingi, 3) Maelekezo ya Utekelezaji, 4)
Tukio la kisa cha mwanadamu na 5) Tukio la kisa cha mnyama. Tuchukue mfano
wa ‘thawabu’: hatua ya kwanza: “hukumu ya Mungu” (Rum. 1:32); hatua ya pili:
“kila mmoja atapata thawabu” (1 Kor. 3:8); hatua ya tatu: kila mmoja atapata
thawabu yake mwenyewe sawasawa na taabu yake mwenyewe; hatua ya nne:
utekelezaji wa sheria ya tukio kufanywa na wazee; hatua ya tano: mashtaka ya
ng’ombe au wanyama (1 Tim. 5:17-18 hujumuisha hatua ya nne, tano na tatu).
24. Mungu ametoa mifumo ya maagizo mbalimbali ya kujitawala: kujitawala
binafsi (nidhanu binafsi), familia, kanisa, uchumi na serikali. Kila aina ya
uongozi huu hupata mamlaka yake kwa kuwezeshwa na Sheria ya Mungu, iko
chini ya Sheria ya Mungu na bado ina miundo, majukumu, malengo, sheria na
adhabu tofauti tofauti.
25. Sheria ya Mungu itatimiza jukumu lake la kimsingi katika utawala wa
miaka 1000 (Milenia). Kwa kawaida ni wale wenye kuamini juu ya kurudi kwa
Yesu baada ya miaka 1000 wanaosisistiza hili. Lakini mitazamo mingine yote
kuhusu nyakati za mwisho ni lazima zieleze lini, wapi na jinsi gani Sheria ya
Mungu itatimiza jukumu kuu katika mataifa yote, mfano katika Mik. 4:1-4; Isa.
2:2-4, 51:4-5; Eze. 37:24. Kwa mujibu wa Mik. 4:1-4 na Isa. 2:2-4 kutakuwa na
amani ya kisiasa na ya watu binafsi na kutakuwa na haki, usalama na umilikaji
binafsi ulioenea, ambavyo vyote huenda pamoja.