Upendo ni Utimilifu wa Sheria Insha juu ya Maadili - Martin Bucer ...

46 Schirrmacher, Insha juu ya Maadili
vifungu hivi ni kwamba, kuwa wa kiroho humaanisha kubadilishwa na Mungu
na Sheria yake na kuishi kwa kulingana na Sheria yake!
Ikiwa Wasomilenia hawazingatii jukumu la Sheria katika Milenia na mwenendo
wake juu ya tabia na kusudi la Sheria katika historia kwa ujumla, hawawezi
kuhoji kihalali, kwamba sababu yao ya kufanya hivyo, ni kuwa hawataki kuwa
wakabla- au wabaadamilenia. Badala yake wanapaswa kushughulika na
mtazamo wao wa upinga-sheria, ambao hauwaruhusu kutambua jukumu la
kimsingi la Sheria katika Milenia, hata kama vifungu vyao wavipendavyo juu ya
somo hilo vinafundisha suala hilo.
Sheria ya Mungu na Maswali Yanayofuatana
Katika majadiliano juu ya maswali yanayofuatana (yaliyopangwa kulingana na
umuhimu wa nafasi husika), jukumu la kimsingi la Sheria ya Mungu ya milele
mara nyingi limekuwa likisahaulika.
Kwa mfano chukua Isaya 42:
“…atatokeza hukumu kwa kweli. Hatazimia, wala hatakata tamaa, hata
atakapoweka hukumu duniani; na visiwa vitaingojea sheria yake…Mimi,
BWANA… na kukutoa uwe agano la watu, na nuru ya mataifa…” (Isa. 42:3b-4,
6b).
“BWANA akapendezwa, kwa ajili ya haki yake, kuitukuza sheria na
kuiadhimisha” (Isa. 42:21).
Je, hapa Isaya na Mungu wanazungumza juu ya kanisa la kizazi hiki au juu ya
muda ambao kwa sasa utakuja baadaye? Je, Yesu ‘mtumishi wangu’ (Isa. 42:1)
ametimiza hili kikamilifu juu ya msalaba, alianza kulitimiza mahali pale, au
ataanza kulitimiza hili katika Milenia, au waweza kupata yote hayo katika Isaya
42? Swali hili ni muhimu (na ninaamini katika msimamo wa mwisho tutaona
mambo hayo na mafundisho hayo kuwa ni utimilifu ukuao kuanzia Msalabani au
Siku ya Hukumu Kuu), lakini maswali haya yanayofuatana yanaweza yasiondoe
ujumbe mzima wa kifungu hiki: Kwa kumtumia “mtumishi” wake Yesu Kristo,
Mungu ataleta Sheria yake hadi katika visiwa vya miisho ya dunia. Kwa njia ya
Yesu Mungu ataleta hukumu yake ya kisheria kwa mataifa yote. Kwa njia ya
Yesu Mungu anaitukuza Sheria na kuifanya iheshimike. Ikiwa hili ni jukumu la
Yesu, ni jukumu lake katika nyakati zote.
Ikiwa mtu anaamini kwamba hili lilitokea kikamilifu kwa njia ya Msalaba na
Ufufuo, yawezekanaje aendelee kufikiri kuwa Yesu ni mwisho wa Sheria?
Asingepaswa kutambua kuwa Mungu anaikuza Sheria yake kwa njia ya Yesu na
anataka isambazwe hadi kwenye visiwa vya mbali kushinda vyote? Jambo hili ni
sawa pia ikiwa mtu anaamini kwamba Isa. 42 inahusika na Kanisa zima la zama
hizi. Viko wapi vitabu vyake vya Sheria na maelezo yake ikiwa Kanisa
linapaswa kuipeleka kila mahali?