DEEL 3 - Nuweopenbaring::: Welkom by Die Nuwe Openbaring

aarde waarlik goed benut wees. Dan sou die verbinding ook dikwels tot
stand gebring word, omdat julle dan uit die diepste van julle hart na My
verlang, Wie julle nou as julle Vader herken en deur Wie julle nou steeds
verlang om aangespreek te word.
Julle sal dan ook bereidwillig alles nakom julle sal My Wil vervul omdat julle
hierdie, My Wil julself al eie gemaak het, omdat die voortdurende
verbinding met My ook ‘n voortdurende onderwerping aan My Wil
tengevolge het en omdat dit lig in julle geword het, omdat daar opheldering
in julle is oor wie Ek is en hoe Ek teenoor julle en hoe julle teenoor My
staan.
Dink aan My, daagliks en elke oomblik, skuif My nooit eenkant nie. Wat
julle ook al wil doen, laat My steeds by julle aanwesig wees en wel
daardeur, dat julle deur julle gedagtes My tot julle roep. En julle sal waarlik
julle weg deur die aardse lewe nie vergeefs aflê nie, julle sal julle dan weer
by My aansluit om dan julself vir ewig nie meer van My te skei nie. Amen
Sonder Jesus Christus Kan ‘n mens nie vry word nie
6860 29 Junie 1957
Julle het My nodig as julle wil vry kom van julle teenstander. Julle kan nie
uit eie krag van hom loskom nie, julle moet hulp hê wat slegs Een julle kan
bring: Jesus Christus, wat die teenstander oorwin het deur Sy dood aan
die kruis. In Hom was Ek Self. Hy en Ek is Een, dus moet julle tot My in
Jesus Christus om hulp roep en dit sal julle dan ook ten deel val. As julle
slegs ‘n God erken sonder Jesus, die Goddelike Verlosser en julle wil julle
God met hierdie God in ooreenstemming bring, dan is julle erkenning van
‘n God nog nie oortuigend nie. Julle spreek dan slegs iets uit met julle
mond waarvan julle nie in die diepste van julle hart oortuig is nie en dan
gaan julle, julle aardse weg nog sonder My. Julle sal dan ook nie kan
loskom van hom wat die teenoorgestelde is van My, wat julle nog beheers
en wie se mag julle nie kan breek nie.
Julle het My nodig, laat dit vir julle gesê wees; anders vervul julle nie julle
aardse lewensdoel nie, om julself los te maak van hom vir wie julle eens
vrywillig gevolg het en om julle te wend tot My, julle God en Vader van die
Ewigheid. Ek is altyd bereid om julle te help om van hom los te kom, maar
hierdie hulp moet julle van My afsmeek omdat julle wil saam bepalend is
dat Ek julle bevry. Want hy het dieselfde reg op julle solank julle nog
dieselfde wil het as hy, wat ‘n afwending van My beteken. Maar met julle
swakheid as gevalle wese is rekening gehou, want ‘n mens het vir julle uit
liefde en barmhartigheid aan die kruis gesterf. Hy het geweet van julle
swakheid en Hy het ook geweet dat dit vir julle onmoontlik was om hierdie
kettings te verbreek, dat julle weggerokkel was deur My teenstander,
alhoewel deur julle eie skuld.
11