DEEL 3 - Nuweopenbaring::: Welkom by Die Nuwe Openbaring

nie meer effek gehad het nie. Dus moes Ek self ook in Hom gewees het,
selfs as Ek aan die einde stil bly sodat die werk van Verlossing sy
hoogtepunt kon bereik: dat ‘n mens Homself aanbied om vir Sy medemens
gekruisig te word dat hy waarlik ‘n offer gemaak het wat Ek as ‘n daad van
versoening vir die hele mensdom aanvaar. Geen ‘Goddelike krag' verminder
die offer vir Hom nie, want “Liefde” self bly stil, hoewel Dit tenvolle besit
van die mens Jesus geneem het.
En dit is ook ‘n verborgenheid wat julle mense tot hiertoe nie kan begryp
nie. Die mens Jesus moes die grootste lyding deurgaan, om alleen en
verlate te voel. En juis hierdie lyding verlos die sonde wat elke wese
homself mee belas het toe hy My verlaat het, Wat hulle al My liefde gegee
het, wat hulle verwerp het. Die mens Jesus moes die lyding ervaar en
daarom spreek hy die woorde “My God, my God, waarom het U My
verlaat”. Maar tog sal julle mense nie die omvang van die Verlossing kan
begryp terwyl julle op aarde leef nie. Nietemin, één dag sal dit julle met ‘n
skielike, verblindende slag tref en julle sal My sonder ophou prys en aanbid.
Want hierdie daad van Verlossing is op elkeen van toepassing, julle almal
kan deelneem aan die seën van die Verlossings werk en as gevolg van die
Verlossings werk word die weg geopen vir elkeen om na My terug te keer
Amen
Vervulling van ‘n Goddelike belofte - Waarheid
7767 9 Desember 1960
Deur My Gees word julle binnegelei in die waarheid. Toe Ek Self hierdie
woorde gespreek het toe Ek oor die aarde gegaan het, moes dit dus
moontlik wees dat julle in die waarheid kan wandel en julle kan gevolglik
nie sê: geen mens weet wat en waar die waarheid is nie. Julle moet
julleself alleen maar ernstig met die probleem besighou; hoe julle tot die
waarheid kan kom.
Daar is maar een waarheid wat onaantasbaar is, wat van My as die Ewige
Waarheid uitgaan en nooit sal verander nie. Na hierdie Oerbron van die
waarheid moet julleself heengaan en die waarheid daar gaan haal waar dit
sy oorsprong het; by Myself. Ek weet alles, Ek ken alle samehang. Vir My is
niks verborge nie en Ek wil ook dat julle in dieselfde lig staan as Ek, dat
julle weet uit WIE julle voortgekom het en dat julle ook julle doel ken.
Ander mense kan julle dit egter nie vertel nie, tensy hulle hierdie kennis
van My ontvang het. Maar baie mense wil wetend wees en hul medemens
daarvan oortuig wat hulle hulself deur verstandelike ondersoek verwerf het.
Die resultaat van hul geestelike arbeid kom egter nie ooreen met die
waarheid nie, solank Ek nie Self deur hulle gevra is om verligting van hul
denke nie, solank alleen hul verstand aan die werk was. En dan kan ook
met reg gesê word: geen mens weet uit homself wat en waar die waarheid
is nie.
369