DEEL 3 - Nuweopenbaring::: Welkom by Die Nuwe Openbaring

dat hulle meestal nie kan begryp dat God Self vir hulle slegs in Jesus
Christus te bereik is nie, dat die drievoudige, verskillende aanroep steeds
net tot één Oor deurdring, dat die ewige Godheid nie verdeel kan word nie,
dat Hy Homself in Jesus aan die mense laat ken, wat nie in staat is om die
ewige alles omvattende en vervullende Gees te begryp nie.
Die begrippe Vader Seun en Gees gee mense wat nog geen gewekte Gees
het nie, aanleiding om julle gedagte en gebede steeds nog in verskillende
rigtings te stuur. Julle roep God die Vader aan, julle roep na Jesus en julle
roep ook die Gees aan dat Hy tot julle mag kom. Maar julle sal net dan
korrek bid, wanneer hierdie Drie één begrip vir julle geword het, wanneer
julle slegs één Wese sal aanroep, wat in Homself die Liefde as die Vader,
die Wysheid – as die Seun en die Krag – as die Gees verenig en julle dan
die probleem van die drievoudigheid van God korrek opgelos het.
Want ofskoon die leer oor die "Godheid in drie persone” uitgebreid is met
die toevoeging: hierdie drie is één, is hierdie leer tog ‘n groot misleiding vir
die mense, wat tot verdere verkeerde menings uitwerk. Want juis in die
aanroep van God in Jesus lê ‘n buitengewone Krag, wat egter verlore gaan
vir julle wat nog onder verkeerde voorstellings gebuk gaan en waarvan julle
nie in staat is om julle daarvan los te maak nie. ‘n Ernstige nadenke
daaroor sou vir julle en julle insig werklik baie nuttig wees, maar dit laat
julle na, omdat julle slawe geword het, terwyl die volledige vryheid egter
deur Jesus aan julle geskenk word. Maar julle sou hierdie geestelike vryheid
van julle moet gebruik en Jesus Self sal julle waarlik ook help dat julle
denke helderder sal word, want Hy is Self die Lig en Hy wil ook almal van
Lig voorsien wat na Lig verlang. Amen
By God is niks onmoontlik nie
7118 12 Mei 1958
Vir My is waarlik alles moontlik maar aan My werksaamheid word deur julle
heel dikwels paal en perk gestel en hierdie beperkinge breek Ek terwille van
julle ook nie. ‘n Ongelowige mens sou dit nie tot seën strek as hom My Mag
en krag bewys sou word deur werke wat juis Ek Self alleen kan volbring en
dit dan gevolglik ook Myself sou bewys nie. Hy sou ewig nie meer vry word
nie, want so'n ongewone werk sal vir ‘n ongelowig mens 'n dwang wees wat
hom verhinder om ooit volmaak te word.
Ook die gelowige mens het nog heel dikwels nie so'n sterk geloof dat ‘n
wonderwerk vir My moontlik sou wees nie, want ook die gelowige mens is
nog erg begrens in sy denke, hy is nog nie by magte om die onbeperkte
geestelike werksaamheid te begryp nie, hy kyk nog steeds met ‘n aardse
beperkte blik. En solank mag Ek ook sy geloof geen geweld aandoen nie,
ofskoon daar nog maar weinige skrede deur hom te gaan is om bo die
beperkinge uit te styg. So graag sou Ek julle hierdie geloofsterkte verskaf,
wat ‘n onbeperkte werksaamheid by julle toelaat, want Ek sou julle almal
112