DEEL 3 - Nuweopenbaring::: Welkom by Die Nuwe Openbaring

self af wie die oorwinning sal behaal. Hulle is egter nie hulpeloos aan die
vyand van hulle siele oorgelewer nie. Hulle sal steeds helpers aan hulle
kant hê, sodra daar slegs ‘n gedagte of die wil in hulle binnekom om bevry
te word van bose magte.
Hoe erg die doen en late en die woede van God se teenstander ook mag
wees in die tydjie voor die einde, geen mens hoef daaronder te beswyk nie,
want God se hulp staan vas vir elke mens wat nie die teenstander ten prooi
wil val nie. Daarom werk God Self deur Sy ligwesens in op die mense wat
self vrywillig by Hom aansluit om die verbinding tussen die duister wêreld
en die wêreld vol van lig tot stand te bring en daarom sal meer van sulke
ligbodes ook steeds onder die mense optree. God sal steeds dringender tot
die mens spreek en Sy invloed sal steeds duideliker wees, hoe meer die
woede van God se teenstander te sien is. Want die stryd tussen Hom en die
teenstander sal duur tot aan die einde, tot die se mag gebreek is en hy
saam met sy aanhang weer gebind word en daar ‘n nuwe tyd van vrede sal
aanbreek, waarin hy die mense nie meer kan verdruk nie en die geestelike
stryd vir ‘n tyd lank beëindig is. Dan sal daar vrede op aarde wees en die
mense sal in voortdurende verbinding staan met God en die ligwesens wat
onder hulle vertoef en hulle verder sal onderrig soos wat dit vroeër ook
gebeur het, sodat hulle die Stem van God ook regstreeks kan verneem en
dus 'n salige lewe sal lei in die paradys op die nuwe aarde. Amen
Aankondiging van die komende groot nood
7053 2 Maart 1958
Julle sal almal baie krag nodig hê, wat julle egter te alle tye ter beskikking
staan. Want wie na My Woord luister, sal hierdie krag ontvang, sodra hy
daardie woord in sy hart oorweeg en daarvolgens handel. Dan word
julleself deur My aangespreek en sodoende ook deur My liefde bestraal. En
krag sal na julle toe vloei, omdat My liefde ook krag is.
Maar hy wie My Woord by sy ore laat verbygaan, sal geen seën daarvan
ontvang nie. Want met hom kan Ek nie in kontak tree nie en sodoende kan
My krag hom ook nie deurstroom nie. In die komende tyd van nood het
julle almal My krag nodig, want op aardse manier sal julle nie julle
lewensomstandighede bemeester nie. Slegs met My hulp sal julle slaag en
Ek wil julle eie magteloosheid en ook kragteloosheid vir julle voor oë hou.
Ek wil julle laat besef dat julle swak wesens is, sodat julle, julle toevlug sal
neem tot die mag wat julle nou moet erken. En daarom sal die gesindheid
van die mense vir julle duidelik word en die skrikwekkende ongelowigheid
van die mense sal te voorskyn kom. Julle sal die noodsaaklikheid insien om
van My en My Ryk en van My mag en My liefde tot die mense te spreek, om
aan hulle die evangelie (van die liefde) te verkondig en hulle tot geloof te
bring.
80