DEEL 3 - Nuweopenbaring::: Welkom by Die Nuwe Openbaring

gaan dit om die vrye keuse van die wil van die mens, wat egter deur hulle
aan bande gelê word. Amen
Die vrye wil
7837 28 Februarie 1961
Slegs julle wil is deurslaggewend of julle die volmaaktheid op hierdie aarde
gaan bereik. Dit gaan in die aardse lewe oor die vrye wilsbeslissing, nie met
betrekking tot aardse vrae of julle houding tot aardse planne nie, maar dit
gaan slegs om julle siele wat korrek moet beslis welke meester hy bo
homself verkies.
En tot hierdie beslissing mag die mens deur geen enkele kant gedwing
word nie, want nooit kan ‘n vrye wil ontken word nie, ofskoon dit steeds
van die kant van die mense gepoog word. Slegs die innerlike denke van die
mens is deurslaggewend en dit staan onder geen dwang nie. Daarom kan
steeds maar net op die mens ingewerk word deur denkbeelde, gesprekke
en gebeurtenisse van menigvuldige aard wat nou sy wil moet beïnvloed en
dit word probeer vanuit die Goddelike asook die godsvyandige kant, maar
steeds beslis die mens self aan welke invloed hy wil toegee, want die wil
van die mens is vry.
En daarom moet hy hom ook self verantwoord welke rigting hy sy wil laat
gaan, want ten behoewe van hierdie wilsbeproewing het die mens sy
bestaan op aarde gekry, omdat die siel eenmaal die gevolge van sy
wilsbeslissing moet dra.
Die mens kan in alle lewensomstandighede sy wil na God toe wend, maar
hy kan homself netso aan die teenstander van God onderwerp. Nooit kan
hy egter sy medemens, ‘n wêreldlike mag, God self, of Sy teenstander
verantwoordelik hou vir sy wilsbeslissing nie. Dit is die saak van sy algehele
vrye wil, welke rigting sy gedagtes gaan en of hy homself tot God of tot Sy
teenstander wend.
Maar steeds is sy lot so deur God opgelê dat hy God maklik kan vind, as hy
Hom maar geen innerlike weerstand bied nie, wat dus deur sy vrye wil
bepaal word. Die mense is egter geneig om ‘n vrye wil te betwis, omdat
hulle nie altyd kan realiseer wat hulle wil nie, maar dit gaan nie oor wat
hulle doen nie, maar oor wat hulle wil. Want tot die doen kan hulle deur die
inwerking van geestelike kragte gehinder word, maar nooit egter tot die wil
self nie.
En daarom moet die mens teenoor homself kritiek uitoefen vir welke rigting
sy wil homself uitspreek, want hy weet dat dit in die aardse lewe van hom
gevra sal word om homself tot God te keer. Want God laat hom altyd weer
sulke aanwysinge toekom, sodat hy nie heeltemal sonder kennis deur die
aardse lewe gaan nie. Omdat hy egter ook deur die teenstander van God
beïnvloed word, sal dit nie uitbly dat hy moet nadink nie en hy sodoende al
tot ‘n beslissing gedwing word.
397