DEEL 3 - Nuweopenbaring::: Welkom by Die Nuwe Openbaring

maklik ‘n opening vind om binne te sluip waar hy maar ‘n vonkie hoogmoed
ontdek. Van My af word so 'n beliggaamde ligwese dus geen kennis gegee
oor sy afkoms nie.Tog is daar mense wat dit wil weet en hul vra nie na die
oorsprong van sulke kennis nie. Maar nooit sal My Gees sulke kennis aan
hulle openbaar nie, veel eerder sal daar onvolwasse geeste aan die werk
wees om dwaling te versprei. Hulle stel mense as beliggaamde ligwesens
voor, ofskoon daar in werklikheid geen geestelike taak te sien is nie, anders
sou hulle opdrag nie op leuens en verkeerde veronderstellings gebaseer
gewees het nie.
Die ligwesens werk in die verborgenheid, of hulle tree deur hulle
werksaamhede so duidelik op die voorgrond dat daar ook duidelik ‘n missie
in My opdrag te herken is. Maar hulle sal alles wat nie volgens die waarheid
is nie, afwys en sal ook valse mededelinge uit die geesteryk as leuens en
bedrog herken en veroordeel. Want hulle lewe in die waarheid en stry vir
die waarheid, egter nie vir valse leerstellinge wat van hom uitgaan wat My
teenstander is nie. Ek kan julle mense, altyd maar net waarsku teen sy
aktiwiteite in die laaste tyd vóór die einde, want hy sal nog alles doen wat
moontlik is om My suiwer waarheid te ondermyn. En hy sal steeds
weerklank vind by hulle wat die ongewone soek en hulself nie tevrede stel
met die suiwer waarheid, wat Ek hulle laat toekom nie. Ek sal julle egter
steeds weer opheldering verskaf sodra julle dit ernstig begeer. Amen
‘n Blinde geloof is waardeloos
7834 23 Februarie 1961
Die mens moet glo, maar hy moet nie blindelings glo nie. Hy moet van alles
wat van hom gevra word om te glo, deur sy gedagtes ‘n standpunt inneem
en dan sy hart laat kies of hy dit aanneem of afwys. Dit verlang Ek van die
mense, maar Ek neem geen genoë met ‘n blinde geloof nie, wat beteken
dat die wil gedwing word om die aansprake te aanvaar, terwyl van My kant
die wil van die mens vry is.
Aan die wilsvryheid van die mens moet julle steeds dink en julle sal dan
ook insien of ‘n leer van My uitgegaan het, want van My af het julle mense
die volste vryheid, van My kant word julle heeltemal geen gebooie gegee
behalwe die gebooie van die liefde nie, waarvan die vervulling egter ook die
vrye wil vereis.
Ek wil julle alleen in die saligheid in lei en daarom laat Ek julle steeds weer
My woord toekom. Ek onderrig julle en maak julle vertroud met geestelik
goed en weer staan dit julle vry om te glo of nie. Julle moet egter self ‘n
standpunt daaroor inneem, julle moet daaroor nadink en ‘n goeie wil hê om
die ware te erken en aan te neem.
Ek verlang ook nie dat julle blindelings glo wat julle nou deur My woord
toegestuur word nie. Maar, Ek verlang dat julle dit ondersoek voordat julle
oordeel. En na ‘n ernstig ondersoek sal julle dit wat julle aangebied word
395