DEEL 3 - Nuweopenbaring::: Welkom by Die Nuwe Openbaring

kluistering, dan sal ook elke moontlikheid in die ryk hierna verby wees om
hulle trapsgewys te ontwikkel. Daarom word daar vooraf nog baie
verlossingsarbeid verrig om ook uit die diepte nog baie siele te red van ‘n
tweede kluistering in die materie. Daar sal ‘n groot sifting wees in die
hiernamaals en op aarde. En as die mense op aarde sou besef hoever hulle
al gevorder het en hoe kort hulle voor hulle voleinding staan, dan sou hulle
waarlik al hulle krag aanwend om die kort tyd nog te benut wat vir hulle
nog oorbly voor die einde.
Maar hulle neem ook niks ernstig op wat daaroor aan hulle ter oorweging
gegee word nie. Hulle benut die tyd nie om hulle doel te bereik nie en die
laaste barmhartigheid, van beliggaming as mens, gaan sonder resultaat by
hulle verby. Want ook alle barmhartigheids middele wat My liefde hulle laat
toekom, word of nie aangeneem of nie gebruik nie. En ‘n eindelose lang
ontwikkelingsproses loop ten einde sonder resultaat vir die menslike siel,
vir die eens geestelike oergees wat tot God moet terugkeer.
Die mense kan egter maar net vermaan en gewaarsku word en dit geskied
in ‘n hoë mate deur die Goddelike Woord wat van Bo vir die mense
deurgegee word as ongewone barmhartigheidsmiddel van die oorgrote
liefde van God. En alle mense word aangespreek en hoef maar net hart en
ore te open om die krag van die Goddelike woord ook te bemerk en in
sekerheid opwaarts te gaan. Elke mens het dus die moontlikheid om "krag"
te gaan haal, maar hy moet van goeie wil wees en poog om die doel van sy
aardse lewe te vervul. Hy moet in die kort tydjie tot aan die einde van sy
lewe bewustelik lewe, hy moet die wil van Hom vervul wat hom die lewe
gee en homself aan Hom oorgee en tot Hom bid om barmhartigheid en
krag. En dan sal hy ook sy doel bereik, want hierdie bede sal altyd vervul
word en God sal elkeen seën wat Hom om krag en barmhartigheid vra en
sy aardse weg sal nie vergeefs wees nie. Amen
Die Vader praat met Sy kind
7613 1 Junie 1960
Julle almal kan na My stem in julleself luister en dit hoor. Maar hoe selde
bring die mense so‘n vertroulike verbintenis met My tot stand en bly
voortdurend aan My dink. Hoe selde gee julle My die geleentheid om met
julle te praat deur julle bewustelik aan My toe te vertrou deur persoonlik
met My te praat, deur julle uit die wêreld terug te trek en julle gedagte ten
volle aan My oor te gee. Julle doen dit so selde omdat julle nie werklik glo
dat julle My sal kan hoor nie, dat Ek met julle sal praat soos ‘n vader met
sy kinders sal praat. Julle het nog nie die verhouding van ‘n kind met sy
vader gevestig nie, Ek is slegs altyd die verre God vir julle Wie julle nie durf
aanspreek nie en Wie daarom nie met julle kan praat soos ‘n vader met sy
kind nie. Maar julle kan dit enige tyd probeer. Julle moet julle slegs van die
wêreld ontrek, julle moet slegs in stille oordenking ingaan en die weg na My
306