DEEL 3 - Nuweopenbaring::: Welkom by Die Nuwe Openbaring

My vra om verligting van hul denke wat dus niks anders as die waarheid wil
laat geld nie.
Daarom moet julle julle verstand nie te hoog ag nie, want sodra dit oor
geestelike dinge gaan, wil Ek Self gevra word, omdat die waarheid
andersins altyd slegs ‘n voorreg van die mense sou wees, wie se verstand
hoog ontwikkel is. Ek stel egter ‘n ander voorwaarde vir korrekte,
waarheidsgetroue denke: Ek verlang die liefde van julle wat julle gees
wek, wat julle gedagtes verlig, wat ‘n regstreekse verbintenis is met My,
Wie die ewige Liefde en die ewige Waarheid Is.
‘n Skerp verstand waarborg egter nog geen lewe in liefde nie en derhalwe
kan ‘n skerp verstand ook deur My teenstander gebruik word daar waar die
liefde ontbreek en daar sal dan nooit ‘n korrekte denke te verwag wees nie,
omdat My teenstander sy invloed uitoefen om teen My te werk, om die
waarheid, wat hom ontmasker het, te ondergrawe.
Begryp dit, dat alleen die mens, wat in liefde leef, wys kan wees omdat
hierdie mens dan in die goddelike ordening leef en hy hom dus daarom ook
in die lig bevind, insig het en op hoogte is van die suiwer waarheid. Wat
help so ‘n hoog ontwikkelde verstandelike denke ‘n mens as die liefde
ontbreek? Dit sal nie vir julle die waarheid kan gee nie, dit sal julle denke
veel meer op dwaalweë lei, want dit is ‘n werktuig van My teenstander wat
altyd daar tussenbeide sal kom waar die mens in stryd met die goddelike
ordening leef, waar die beginsel van die liefde nie die oorhand het nie.
Die liefde beskerm hom teen die invloed, die liefde kenmerk hom as ‘n
goddelike skepsel, die liefde is ‘n bewys van die verbintenis met My en dus
ook van die altyd korrekte denke. En so sal hy ook altyd in die waarheid
verkeer, hy sal in staat wees om reg te oordeel, as dit daarom gaan om
geestelike leringe te ondersoek en hy sal elke onware lering afkeur. Die
graad van liefde is dus bepalend hoe ver ‘n mens in die waarheid verkeer,
nie die mate van leringe wat van buite aangebring word nie, wat nog solank
‘n dooie kennis sal bly, solank as wat die gees nie deur die liefde gewek is
nie. Daarom is daar soveel dwaling in die wêreld versprei en daarom word
die dwaling ook baie eerder aangeneem as die waarheid, omdat die vermoë
om korrek te oordeel by die mense ontbreek en hulle daarom sonder
beswaar alles glo wat hulle aangebied word van die kant van diegene wat
met ‘n skerp verstand begaaf is en derhalwe as “bevoeg”, beskou word om
die geestelike lering vir waarheid te toets.
Julle moet Myself altyd om hulp vra, julle moet altyd My ondersteuning
afbid, as julle nie op dwaalweë gevoer wil word nie. Julle moet My steeds
vir die verligting van gees smeek, vir ‘n korrekte denke en vir die kennis
van die waarheid. En julle verlange na die waarheid sal julle ook waarborg
om korrek te dink, want Ek Self wil dat julle in die waarheid wandel. Ek Self
wil ook dat julle ‘n korrekte oordeel uitspreek sodra julle daarom versoek
word.
432