DEEL 3 - Nuweopenbaring::: Welkom by Die Nuwe Openbaring

Maar julle wat Myne is deur julle wil, laat julle nie beïndruk deur alles wat
ook mag gebeur nie. Dink steeds daaraan dat die Skepper van die hemel en
die aarde Homself nie laat verstoot nie en dat Hy Sy Mag duidelik sal toon
sonder om daarin deur die mense gehinder te word.
Ek sien toe en wag tot die dag gekom het, wat sedert die ewigheid vooruit
bepaal is. Want die tyd is beperk wat deur My teenstander op ‘n
soortgelyke manier gebruik word waardeur die mense wat van hom
afhanklik is, alles sal doen wat hy verlang, maar waarin hulle egter nie sal
slaag nie. Amen
Oor die laaste oordeel en die nuwe aarde
7425 9 Oktober 1959
Julle kan julleself geen korrekte voorstelling maak op welke manier die
laaste oordeel sal plaasvind nie. Dit moet egter vir julle genoeg wees om te
weet dat dit ‘n werk is wat van baie korte duur sal wees, met ‘n
vernietigingskrag waaraan alles ten offer sal val. Julle sal geen tyd meer hê
om julle gedagtes en strewes te verander nie, want alles sal met so ‘n
snelheid geskied dat julle geen tyd meer sal hê om na te dink nie. Julle sal
in ‘n oomblik geoordeel word, dit wil sê, ten lewe of ten dode sal in ‘n baie
kort tyd kom. Julle My getroues, wat sal bly tot aan die einde, sal
weggeneem word en die ontroues sal verslind word deur die aarde, wat vir
hulle siele ‘n hernieude kluistering in die vaste materie sal beteken.
Slegs die mense waarin nog ‘n klein vonkie Godsgeloof is, sal op die laaste
moment nog die krag kan opwek om My aan te roep, om nog gered te word
en om vir die hernieude kluistering gespaar te bly. En ofskoon hulle nie
behoort aan hulle wat weggeneem word nie, sal hulle lot tog ligter wees.
Want hulle word dan ‘n nuwe beliggaming toegestaan waarin hulle hulself
moet en ook kan bewys.
Die nuwe aarde sal dan vry wees van versoekings deur My teenstander,
wat vir ‘n lang tyd gebonde sal wees, soos wat dit geskryf staan. Dit is ‘n
daad van buiten gewone barmhartigheid, waarop maar heel weinig mense
hulle beroep het, want die mensdom sal aan die einde heeltemal aan My
teenstander onderdanig wees. Heel selde sal ‘n mens homself nog losmaak
van sy kettings in die aangesig van die laaste oordeel wat vreeslik sal wees,
want alle mense sal ‘n ontsettende dood hulle tegemoet sien kom. Maar
voordat hulle veel kan dink, sal dit reeds gebeur het en Myne sal getuie
wees van hierdie gebeurtenisse. Dit is My wil dat hulle My almag en
heerlikheid en My regverdigheid en “toorn” teen die sondaars leer ken en
daarvan kan getuig solank hulle lewe. Want hulle sal die stam vorm van die
nuwe geslag op die nuwe aarde.
Die voorval van die wegneming kan ewemin voorgestel word, omdat dit
buite die wetlike ordening plaasvind en dit het nog nooit op hierdie aarde
voorgekom dat mense opgeneem was en in lewende lywe omhoog gevoer
231